Vitrari en ég

Hin marg­verð­laun­aða leik­kona, Julia Louis Dreyfus, sem er kannski hvað best þekkt fyrir hlut­verk sitt sem Elaine í Seinfeld, spyr í lýs­ingu hlað­varps­ins Vitrari en ég „af hverju í and­skot­anum“ við heyrum ekki meira frá eldri konum, konum sem eru eldri en hún, en leik­konan er sjálf  62 ára gömul. Það kom því ekki annað til greina í hennar huga en að setj­ast niður með þessum vitru konum og fara á trúnó með þeim, enda eru þær hoknar af reynslu og lífi. Hún býður konum á borð við Jane Fonda, Carol Burnett, Isabel Allende og fleiri vitr­ingum í hlað­varpið til þess að læra af þeim hvernig man lifir þýð­ing­ar­miklu og inni­halds­ríku lífi, eins og þær virð­ast svo sann­ar­lega hafa gert. 

Samkvæmt Juliu er kúlt­úr­inn okkar þannig þræddur að þessar vitru konur verða ósýni­legar með aldr­inum og það sést hvorki í þeim né heyr­ist, sem henni finnst mikil skömm af. „Við erum að missa af svo mik­illi þekk­ingu og reynslu frá svo stórum hluta sam­fé­lags­ins,“ lýsir hún.  Þetta er fyrsta hlað­varp sem leik­konan stjórnar og kemur út viku­lega. Í einum þætt­inum sest hún niður með og fær að læra af Fran Lebowitz, 72 ára rit­höf­undi, og sam­kvæmt Juliu, „legendi“. Fran gefur henni góð ráð um það hvernig sé best að plotta um hefnd, vera léleg kærasta og forð­ast nútíma­tækni. 76 ára tísku ækonið Diane Von Fursten­berg segir henni hvernig hún hefur alltaf hlakkað til að eld­ast og hvernig mamma hennar kenndi henni frá unga aldri að vera ótta­laus.