Þessi grein birtist fyrir meira en 2 árum.

Hinar góðu mæður gegn mafíunni

Nafn kala­brísku mafíunn­ar 'Ndrang­heta þýð­ir um það bil Sam­tök hinna heið­virðu og hug­rökku karla. Í magn­aðri nýrri sjón­varps­seríu, The Good Mot­h­ers, er hins veg­ar fjall­að um bar­áttu heið­virðra og hug­rakkra kvenna gegn glæpa­mönn­un­um, sem oft eru eig­in­menn þeirra og feð­ur.

Hinar góðu mæður gegn mafíunni

Nú fyrir örfáum dögum birtust í Evrópu fréttir sem náðu ekki hingað til lands en vöktu athygli víða. Þúsundir lögreglumanna tóku þátt í samræmdum aðgerðum í mörgum löndum og handtóku á annað hundrað glæpamanna sem grunaðir eru um aðild að ítölsku glæpaklíkunni Ndrangheta. Einnig birtust fréttir um að lögreglan í Genúa á Ítalíu hefði handtekið miðaldra karlmann sem var að koma úr dómkirkju borgarinnar og þar hefði reynst vera á ferð einn æðsti yfirmaður Ndrangheta, Pasquale Bonavota, sem lögreglan hafði verið á höttunum eftir árum saman.

Meiri háttar sigur unninn gegn glæpalýðnum, tilkynnti lögreglan stolt.

Og vissulega var þetta ágætur árangur. Öll sem þekkja til Ndrangheta vita þó að þótt einn haus sé af þessum grimmu samtökum höggvinn, þá spretta fljótlega fram tveir nýir í staðinn.

Ndrangheta-mafían er upprunnin og hefur enn aðalbækistöðvar sínar í héraðinu Kalabríu, yst á „tánni“ á Ítalíuskaga. Hún kom fram á sjónarsviðið á 18. öld og saga hennar er svipuð og saga hinnar eiginlegu Mafíu á Sikiley og Camorra í Napólí. Lengi vel lét Ndrangheta þó lítið að sér kveða utan hins fátæka landbúnaðarhéraðs Kalabríu en það tók að breytast á efsta hluta 20. aldar og sér í lagi síðustu 30 árin.

Ísbílar þvætta eiturlyfjagróða

‘Ndrangheta mun nú ráða að mestu kókaínmarkaðnum í Evrópu í samvinnu við Suður-Ameríkumenn og er farin að teygja sig ótrúlega víða, enda leggur hún sérstaka áherslu á að kaupa sig inn í venjuleg fyrirtæki, bæði stór og smá. Pylsuvagnar og ísbílar á Ítalíu munu til dæmis ótrúlega oft borga „skatt“ til ‘Ndrangheta eða taka þátt í að þvætta gróðann af eiturlyfjum, mansali, vændi, okurlánum og öðru því sem samtökin fást við. Þau vinna oft með albönsku mafíunni og ýmsum rússneskum mafíum sem sumar eru taldar hafa furðu náin tengsl við rússnesk yfirvöld.

‘Ndrangheta mun vera enn harðsvíraðri og lokaðri en aðrar ítalskar mafíur og siðareglur strangari. Og ofbeldið jafnvel hrottalegra ef eitthvað er. Nánast engir fá inngöngu í ‘Ndrangheta nema þeir sem eru fæddir inn í þær ættir sem þar ráða ríkjum. Piltar eru aldir upp frá blautu barnsbeini til að taka við glæpaverkum feðra sinna.

Þegja, hlýða og þjóna

Stúlkur eru hins vegar aldar upp til að þegja, hlýða og þjóna og það er athyglisvert að einmitt nú, þegar þessi (líklega tímabundni) sigur hefur unnist á ‘Ndrangheta, þá skuli vera á ferð á streymisveitum ný og mögnuð sjónvarpssería sem fjallar um tilraunir kvenna til að brjótast úr hlekkjum feðraveldis ‘Ndrangheta með samvinnu við yfirvöld. Serían heitir upp á ensku The Good Mothers og er til sýnis bæði á Disney + og Hulu, ef mér skjöplast ekki, og óhætt er að mæla mjög eindregið með henni.

Serían er gerð eftir „non-fiction“ bók bandaríska blaðamannsins Alex Perrys sem kom út 2018 og greindi frá öðrum áfanga í endalausri baráttu ítalskra yfirvalda gegn ‘Ndrangheta. Þar er athyglinni einkum beint að þremur konum sem yfirvöldin vonast til að fá til samvinnu við sig, en þar er við ramman reip að draga. Konurnar þurfa að yfirvinna aldagömul viðhorf, hörkulegt uppeldi og stöðuga kúgun áður en þær fást til að íhuga einu sinni samvinnu við yfirvöldin, samvinnu sem þær vita fullvel að setur þær í mikla og beina lífshættu.

Og börnunum óhikað beitt sem vopnum gegn mæðrum sínum.

Illskeytt systir

Leikstjórar eru tveir, gamalreyndur Breti að nafni Julian Jarrold, og hin ítalska Elisa Amoruso, sem gefur honum ekkert eftir í þeirri drungalegu og nærri titrandi spennu sem einkennir þættina. Leikarar eru hver öðrum betri. Þekktastir þeirra eru líklega þær Barbara Chichiarelli, sem lék systurina illskeyttu í seríunum Suburra (þar sem aldeilis annar póll er tekinn á mafíuna en í þessari seríu) en er hér fulltrúi þrautseigra yfirvaldanna, og svo Gaia Girace, sem lék Lílu í Framúrskarandi vinkonu.

Það er svo nýjast að fyrirmynd einnar persónunnar í seríunni (Guiseppinu Pesci, leikin eftirminnilega af Valentinu Bellè) hefur sent frá sér yfirlýsingu þar sem hún fullyrðir að þótt söguþráðurinn hvað hana varðar sé í stórum dráttum réttur, þá sé farið alltof frjálslega með annað. Pabbi hennar, sem í þáttunum er ruddi og hrotti, sé til dæmis voða elskulegur kall í rauninni! Stúlkur verða vitaskuld að gæta þess að ekki falli blettur á pabba, hvað sem á gengur, það vitum við.

Kjósa
6
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Hann var búinn að öskra á hjálp
2
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.

Mest lesið í mánuðinum

Hann var búinn að öskra á hjálp
4
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Forsprakki útifundar játaði fjárdrátt á leikskólanum Klettaborg
5
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.

Mest lesið í mánuðinum

Nýtt efni

Innflytjendur á Íslandi
Samtal við samfélagið#15

Inn­flytj­end­ur á Ís­landi

Ís­land hef­ur tek­ið um­tals­verð­um breyt­ing­um und­an­farna ára­tugi. Eft­ir að hafa löng­um ver­ið eitt eins­leit­asta sam­fé­lag í heimi er nú svo kom­ið að nær fimmti hver lands­mað­ur er af er­lendu bergi brot­inn. Inn­flytj­end­ur hafa auðg­að ís­lenskt sam­fé­lag á marg­vís­leg­an hátt og mik­il­vægt er að búa þannig um hnút­ana að all­ir sem hing­að flytja geti ver­ið virk­ir þátt­tak­end­ur á öll­um svið­um mann­lífs­ins. Til að fræð­ast nán­ar um inn­flytj­enda hér­lend­is er í þess­um þætti rætt við Dr. Löru Wil­helm­ine Hoff­mann, nýdoktor við Menntavís­inda­svið Há­skóla Ís­lands, þar sem hún tek­ur þátt í verk­efn­inu “Sam­an eða sundr­uð? Mennt­un og fé­lags­leg þátt­taka flótta­barna og -ung­menna á Ís­landi.” Hún starfar einnig sem stunda­kenn­ari við Há­skól­ann á Ak­ur­eyri og Há­skól­ann á Bif­röst. Sjálf er Lara þýsk en rann­sókn­ir henn­ar hverf­ast um fólks­flutn­inga, dreif­býli, tungu­mál og list­ir en hún varði doktors­rit­gerð sína í fé­lags­vís­ind­um við Há­skól­ann á Ak­ur­eyri ár­ið 2022. Tit­ill doktors­rit­gerð­ar­inn­ar er „Að­lög­un inn­flytj­enda á Ís­landi: Hug­læg­ar vís­bend­ing­ar um að­lög­un inn­flytj­enda á Ís­landi byggð­ar á tungu­máli, fjöl­miðla­notk­un og skap­andi iðk­un.“ Guð­mund­ur Odds­son pró­fess­or í fé­lags­fræði við HA ræddi við Löru en í spjalli þeirra var kom­ið inn á upp­lif­un inn­flytj­enda af inn­gild­ingu, hlut­verk tungu­máls­ins, stærð mál­sam­fé­laga, sam­an­burð á Ís­landi og Fær­eyj­um og börn flótta­fólks.

Mest lesið undanfarið ár