Þessi grein birtist fyrir meira en 2 árum.

Fréttir

Umboðsmaður vill fá öll samskipti Bjarna við Bankasýsluna

Umboðsmaður Alþingis vill frekari skýringar frá Bjarna Benediktssyni fjármála- og efnahagsráðherra á afstöðu hans til eigin hæfis vegna sölu á 22,5 prósenta hlut í Íslandsbanka. EInnig vill umboðsmaður fá afhent öll gögn um samskipti ráðherrans og ráðuneytis hans við Bankasýslu ríkisins í söluferlinu.

8. maí 2023 · 12:07

Arnar Þór Ingólfsson

arnar@heimildin.is

Umboðsmaður Alþingis hefur farið fram á að öll gögn sem til eru um samskipti Bjarna Benediktssonar fjármála- og efnahagsráðherra og ráðuneytis hans við Bankasýslu ríkisins frá því að söluferlið á 22,5 prósenta hlut ríkisins í Íslandsbanka hófst og þar til úthlutun hlutabréfa lauk. Umboðsmaður vill meðal annars fá tölvupóstsamskipti, minnisblöð og símtöl.

Þessi krafa umboðsmanns er í tengslum við beiðni hans um frekari skýringar frá fjármála- og efnahagsráðherra varðandi afstöðu ráðherrans til eigin hæfis, en umboðsmaður hefur verið með athugun í gangi sem varða álitamál um hæfi ráðherrans vegna kaupa einkahlutafélags föður hans á hlut í bankanum, en félagið Hafsilfur, sem er í eigu Benedikts Sveinssonar, föður Bjarna, tók þátt í útboði Bankasýslunnar.

Síðasta svar ráðherrans í tengslum við þessa athugun barst umboðsmanni 24. mars og óskar umboðsmaður nú, í bréfi sem stílað var á ráðherrann 5. maí, efitr „nánari og ítarlegum skýringum á afstöðu ráðherra, m.a. hvort hann telji það hafa verið forsendu hugsanlegs vanhæfis síns í málinu að hann hefði vitneskju um að einkahlutafélagið væri meðal bjóðenda.“

Í tilkynningu sem birt er á vef umboðsmanns í dag segir sömuleiðis að umboðsmaður telji „ekki enn fyllilega ljóst hvort ráðherra telji það fyrirkomulag sem viðhaft var við söluna hafi í reynd tryggt að gætt yrði hæfisreglna“ og segir umboðsmaður að í því tilliti sé meðal annars „spurt um hvort raunhæft hefði verið að kanna hvort fyrirhugaðir kaupendur hefðu þau tengsl við ráðherra að slík álitamál vöknuðu.“

Taldi ráðuneytið að Bankasýslan hefði átt að kanna tengslin?

Umboðsmaður vísar til þess að í svari ráðherra hafi komið fram að engin athugun á slíkum tengslum fór fram innan ráðuneytisins og óskar eftir upplýsingum um hvort ráðuneytið hafi litið svo á að Bankasýslunni bæri að kanna slík atriði.

„Spyr [umboðsmaður] í því sambandi hvort stofnuninni hafi verið ljóst að einkahlutafélag í eigu föður ráðherra væri á meðal bjóðenda og þá hvers vegna athygli ráðuneytisins hafi ekki verið vakin á því,“ segir í tilkynningu umboðsmanns.

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir (3)

Skráðu þig inn til að skrifa athugasemd eða kjósa.

Jack Danielsson skrifaði
9. maí 2023 05:33

Umbinn þorir að hjóla í glæpahundinn í fjármálaráðuneytinu og það er gott að vita að það er einhver þarna sem þorir í helvítis glæpaklíkuna.

0
Kári Jónsson skrifaði
8. maí 2023 14:52

Hitastigið undir Bjarna Ben hækkar bara og hækkar umboðsmaður alþingis fær ófullnægjandi svör við öllum spurningum, vegna sölu-RÁNSINS á Íslandsbanka, það stendur ekki steinn yfir steini, hvenær telur auðvaldið að framganga Bjarna Ben sé komið á hættustig og tímabært að skipta um mann í brúnni ? Auðvaldið hlífir engum ekki einu sinni strengjabrúðum sínum.

2
- Siggi Rey skrifaði
  8. maí 2023 22:51
  
  Sammála.
  
  0

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Neytendur

Rukkuð um 1.500 króna hátíðargjald á veitingahúsi í miðbænum: „Algjörlega út í hött“

Tvær konur voru krafðar um 1.500 króna „hátíðargjald“ fyrir að hafa setið við borð á veitingahúsi í miðbæ Reykjavíkur í gær, 17. júní. Formaður Neytendasamtakanna segir athæfið óheimilt hafi þeim ekki verið gert viðvart um gjaldið fyrirfram.

Fréttir

Livio áfrýjar máli gegn stofnanda Sunnu: „Til þess gert að gera mér lífið leitt“

Ingunn Jónsdóttir frjósemislæknir og stofnandi Sunnu frjósemisstofu, segist telja að persónuleg óvild búi meðal annars að baki málaferlum Livio gegn henni.

Fréttir

Halla Hrund minntist vinkonu sem var myrt í Minnesota

Þingmaður Framsóknarflokks missti bekkjarsystur sína og kollega í skotárás í Bandaríkjunum á laugardag.

Skoðun

Sif Sigmarsdóttir

„Þessi kona er rugluð“

Það tók mannkynið ekki nema nokkrar aldir að leggja við hlustir eftir að ítalski stjarnfræðingurinn Galileo Galilei dæmdur í stofufangelsi fyrir að viðra þá hugmynd að jörðin snerist kringum sólina. Ekki er því öll von úti um að hlustað verði á Herdísi Storgaard.

Flækjusagan

Þegar Evrópa logaði í milljón ár

Hér er haldið áfram að rekja sögu Evrópu til undirbúnings atkvæðagreiðslu um umsókn Íslands að ESB. Fyrir nokkrum árum töluðu andstæðingar ESB hér á landi gjarnan um Evrópu sem „eldhafið“, svo illa fannst þeim horfa fyrir sambandinu. En í þessari grein verður fjallað um þann tíma þegar Evrópa var vissulega eldhaf.

Fréttir

Vilja vísa veiðigjaldafrumvarpi frá

Þingmenn Sjálfstæðisflokks, Miðflokks og Framsóknarflokks í atvinnuveganefnd hafa lagt fram frávísunartillögur um frumvarp ríkisstjórnarinnar sem á að hækka veiðigjöld.

Mest lesið

Mest lesið í vikunni

GreiningSjávarútvegsskýrslan

Fjölskyldurnar sem eiga fiskana í sjónum

Innan við tíu fjölskyldur eiga og stýra stærstu sjávarútvegsfyrirtækjum landsins. Þau fyrirtæki sem skráð hafa verið á markað eru enn undir stjórn, og að uppistöðu í eigu, þeirra einstaklinga sem fengu gjafakvóta. Fjárfestingar eigenda útgerðanna í öðrum og óskyldum greinum nema tugum milljarða og teygja sig í majónesframleiðslu, skyndibitastaði, trampólíngarða og innflutning á bleyjum og sígarettum.

Fréttir

Ósammála um hvernig bregðast eigi við mótmælum gegn innflytjendum

Álitsgjafa á vinstri væng stjórnmálanna greinir á um hvort nálgast eigi meinta rasista með skilningi, háði, ofbeldi eða þögninni. „Ég hef nú svo sem reynt eitt og annað en veit ekkert hvort það virkar,“ segir háskólakennari um samtöl sín við fólk andvígt innflytjendum.

Fréttir

„Á ekki möguleika á að fá réttláta málsmeðferð“

Nauðgunarkæran var felld niður, en umboðsmaður Alþingis tekur undir aðfinnslur við rannsókn lögreglu, varðandi atriði sem hefðu getað skipt máli við sönnunarmat. Eftir athugun á máli Guðnýjar S. Bjarnadóttur sendi umboðsmaður Alþingis einnig ríkissaksóknara ábendingu varðandi varðveislu gagna í sakamálum og áréttaði mikilvægi þess að ákærandi hafi öll gögn undir höndum þegar hann tekur afstöðu.

Pistill

Sif Sigmarsdóttir

Íslenski kjáninn

Hver á fánann?

Viðtal

Komst loks í átröskunarmeðferð þegar veikindin voru orðin alvarleg

Elín Ósk Arnarsdóttir ákvað 17 ára að fara í „saklaust átak“ til að léttast en missti algjörlega tökin og veiktist alvarlega af átröskun. Hún lýsir baráttu sinni, ekki einungis við lífshættulegan sjúkdóm heldur líka brotið heilbrigðiskerfi þar sem fólk fær ekki hjálp fyrr en sjúkdómurinn er orðinn alvarlegur, en dánartíðni vegna hans er sú hæsta á meðal geðsjúkdóma.

Erlent

0,0 prósent alkóhól

Eftirspurn eftir óáfengum bjór eykst stöðugt. Í fyrra náði aukningin níu prósentum á heimsvísu. Því er spáð að þessi þróun haldi áfram á komandi árum og dönsk bjórfyrirtæki bregðast við.

Mest lesið í mánuðinum

Fréttir

Forsprakki útifundar játaði fjárdrátt á leikskólanum Klettaborg

Sigfús Aðalsteinsson, stofnandi hópsins Ísland - þvert á flokka, sem stendur fyrir útifundum um hælisleitendur, játaði á sig fjárdrátt frá leikskólanum Klettaborg þegar hann var forstöðumaður þar. Hann vill ekki dæma hvort brot af því tagi séu nógu alvarleg til að innflytjendur sem gerðust sekir um þau ætti að senda úr landi.

Fréttir

Innflytjandi sár eftir 30 ár á Íslandi: „Við erum helvítis útlendingar og múslímar sem á að reka úr landi“

Jasmin Vajzovic sem fluttist til Íslands frá Bosníu og Hersegóvínu fyrir 30 árum segist aðeins nýlega hafa upplifað fordóma vegna trúar sinnar og uppruna. Hann segist kvíða fyrir framtíð dóttur sinnar á Íslandi.

Fréttir

Segir Útlendingastofnun ætla að senda Oscar úr landi eftir helgi

Íslenskur fósturfaðir Oscars Andres Florez Bocanegra, 17 ára drengs frá Kólumbíu sem hefur verið synjað um alþjóðlega vernd á Íslandi, segir að Útlendingastofnun ætli sér að koma Oscari úr landi eftir helgi.

Úttekt

Einhverfir á vinnumarkaði: Starfsmannaskemmtanir bara ólaunuð yfirvinna

Í atvinnuauglýsingum er gjarnan krafist mikilla samskiptahæfileika, jafnvel í störfum þar sem þess ekki er þörf. Þetta getur útilokað fólk, til að mynda einhverfa, sem búa yfir öðrum mikilvægum styrkleikum. Bjarney L. Bjarnadóttir gerði tímamótarannsókn á þessu og leggur áherslu á að atvinnurekendur efli fötlunarsjálfstraust.

Aðsent

Indriði Þorláksson

Kvótaskerðing, þjóðartekjur, veiðigjöld og hafið

Ekkert tilefni er því til endurmats á þeirri tillögu sem sjávarútvegsráðherra hefur lagt fram um hækkun á veiðigjaldi. Enn vantar mikið á til að hlutur almennings í tekjum af eigin auðlind sé kominn í eðlilegt horf.

Úttekt

Drengir kvörtuðu undan kennara og var meinað að sitja kennslustundir

Tólf ára gamlir drengir leituðu til skólastjóra vegna meints ofbeldis af hálfu kennara. Í kjölfarið var þeim meinað að sitja kennslustundir hjá kennaranum. Annar baðst afsökunar eftir tvær vikur og fékk þá að koma aftur í tíma. Hinn sætti útskúfun í tvo mánuði, áður en skólanum var gert að taka drenginn aftur inn í tíma. Foreldrar drengsins segja kerfið hafa brugðist barninu og leituðu að lokum til lögreglu.