Fyrri aukaspurning:

Hér er vörumerki nýlegs fyrirtækis. Það var stofnað 2003 og er nú hið verðmætasta í heimi á sínu sviði. Hvaða fyrirtæki er hér um að ræða?

***

Aðalspurningar:

1.  Hvaða starfi er talið að Úlfljótur nokkur hafi gegnt fyrstur allra á Íslandi?

2.  Í hvaða bæ hefur íþróttafélagið Afturelding aðsetur?

3.  Hvað þýðir orðið afturelding?

4.  Í hvaða landi eru Bafta-verðlaunin veitt?

5.  Þungarokksplata frá 1980 er sennilega næstsöluhæsta plata allra tíma. Hún er sögð hafa selst í 50 milljónum eintaka. Hvaða þungarokkshljómsveit var þetta?

6.  En hvað hét platan?

7.  Gísli Snær Erlingsson var nýlega skipaður yfirmaður tiltekinnar stofnunar hér á landi. Hvaða stofnunar?

8.  Sjö sjálfstæð þjóðríki hafa augljós nöfn höfuðáttanna (norður-vestur-suður-austur) í nöfnum sínum. Til að fá stig þurfiði að nefna sex þessara ríkja. Ef þið náið öllum sjö fáiði lárviðarstig!

9.  Hvað hét, samkvæmt kirkjulegri hefð, fyrsti páfinn í Róm?

10.  Æ síðan hefur páfinn setið í Róm. En númer hvað er núverandi páfi? Er hann númer 266 — 466 —  566 — eða janvel númer 666?

***

Seinni aukaspurning:

Hvað heitir eyjan fyrir miðri mynd?

***

Svör við aðalspurningum:

1.  Lögsögumaður.

2.  Mosfellsbæ.

3.  Dögun.  

4.  Bretlandi.

5.  AC/DC.

6.  Back in Black.

7.  Kvikmyndastofnunar.

8.  Austurríki, Norður Kórea, Suður Kórea, Norður Makedónía, Suður Súdan, Suður Afríka, Austur-Tímor. - Hvorki Ástralía né Noregur teljast með!

9.  Pétur.

10.  Hann er númer 266.

***

Svör við aukaspurningum:

Á efri myndinni er vörumerki Teslu.

Á neðri myndinni er gríska eyjan Ródos.