Svíar sitja uppi með íslenska raðnauðgarann Geirmund Hrafn Jónsson sem hefur fjórum sinnum á síðustu 20 árum verið dæmdur fyrir grófar nauðganir og kynferðisofbeldi gegn konum. Nú í mars var Geirmundur, sem heitir André Falk í Svíþjóð, dæmdur í átta ára fangelsi fyrir mannrán, grófa nauðgun og gróft ofbeldi gegn konu sem líkja má við „pyntingar“, sem hann framdi sumarið 2022. Þá er hann einnig dæmdur fyrir að hindra framgang réttvísinnar þar sem hann hótaði að drepa fórnarlamb sitt ef hún segði lögreglunni hvað hann hafði gert henni.
Geirmundur hefur verið kallaður „kynferðisbrotasadisti“ í sænskum fjölmiðlum sökum brotasögu sinnar. Hann neitaði sök í málinu og sagðist eingöngu hafa veitt konunni „tvo löðrunga með opinni hendi“ nóttina sem hann beitti hana ofbeldi.
„André Falk er 37 ára gamall og kemur upphaflega frá Íslandi, en hefur síðastliðin ár búið í Svíþjóð.“
Athugasemdir (1)