Þessi grein birtist fyrir meira en ári.

Blaðamaður yfirheyrður í rannsókn vegna frétta um „skæruliðadeild Samherja“ fyrir að fá senda tölvupósta

Ingi Freyr Vil­hjálms­son blaða­mað­ur fékk rétt­ar­stöðu sak­born­ings í mál­inu sem snýr að „skæru­liða­deild Sam­herja“ við upp­haf rann­sókn­ar á mál­inu. Hon­um var þó ekki til­kynnt um það fyrr en í síð­ustu viku. Ástæð­an sem lög­regla gaf var að hún hefði ekki vit­að að Ingi Freyr væri flutt­ur til Ís­lands. Ingi Freyr hef­ur ver­ið bú­sett­ur á Ís­landi frá miðju sumri 2021.

Blaðamaður yfirheyrður í rannsókn vegna frétta um „skæruliðadeild Samherja“ fyrir að fá senda tölvupósta
Gaf skýrslu Ingi Freyr gaf skýrslu hjá lögreglunni á Norðurlandi eystra í gær, í Kópavogi. Mynd: Heiða Helgadóttir

Ingi Freyr Vilhjálmsson, blaðamaður á Heimildinni, var á þriðjudag kallaður í yfirheyrslu hjá lögreglunni á Norðurlandi eystra í svokölluðu „skæruliðadeildarmáli“. Í síðustu viku fékk Ingi Freyr upphringingu frá lögreglunni á Norðurlandi eystra þar sem hann var boðaður til skýrslutöku og var honum þá gerð grein fyrir því að hann hefði haft réttarstöðu sakbornings í málinu frá upphafi. Það hefur verið til rannsóknar hjá lögreglunni á Norðurlandi eystra síðan í maí 2021 og aðrir blaðamenn sem fengið hafa stöðu sakbornings við rannsóknina fengu tilkynningu um slíkt í febrúar 2022. 

Þær skýringar sem Ingi Freyr fékk á því að hann hefði ekki verið upplýstur um að hann hefði réttarstöðu sakbornings fyrr en í síðustu viku var sögð sú að Ingi Freyr hefði á þeim tíma búið erlendis. Það er rangt þar eð Ingi Freyr flutti til Íslands um mitt sumar 2021. Sagði lögregluþjónninn aðspurður um þetta í samtalinu við Inga Frey að hann hefði „heyrt“ að hann væri fluttur til Íslands. Búseta Inga Freys hér á landi hefur verið ljós samkvæmt skráningu í Þjóðskrá í 20 mánuði.

Ingi Freyr kom ekki að skrifum um „skæruliðadeild Samherja“ í maí 2021. Samkvæmt þeim upplýsingum sem lögregluþjónninn veitti Inga Frey í símtalinu er hann með réttastöðu sakbornings vegna þess að honum voru sendir tölvupóstar haustið 2021, nokkrum mánuðum eftir að umfjöllun um „skæruliðadeild Samherja“ birtist.

Í tölvupósti sem Ingi Freyr fékk sendan 8. mars síðastliðinn frá lögreglunni kom fram að hann væri grunaður um brot gegn 228. og 229. grein almennra hegningarlaga sem lúta að friðhelgi einkalífs. Var Inga Frey gert að mæta til yfirheyrslu í Kópavogi á þriðjudag vegna málsins. Er Ingi Freyr fjórði blaðamaðurinn sem starfar á Heimildinni sem fær réttarstöðu sakbornings í málinu, og fimmti blaðamaðurinn í allt.

Auk þeirra hefur Þóra Arnórsdóttir, fyrrverandi ritstjóri Kveiks, réttarstöðu sakbornings. Í Morgunblaðinu í dag er greint frá því að hún hafi verið yfirheyrð á ný í málinu á þriðjudag. Í blaðinu er haft eftir Þóru: „Þetta var stutt og til­tölu­lega vand­ræðal­egt. Lögmaður­inn minn bókaði sterk mót­mæli yfir því hversu lang­an tíma þetta hefði tekið, enda bryti það í bága við saka­mála­lög. En ég geri ráð fyr­ir því að þessu ljúki mjög fljót­lega.“   

Lögreglan á Norðurlandi eystra hefur ekki verið í sambandi við hina þrjá blaðamennina sem eru með réttarstöðu sakbornings síðan þeir voru yfirheyrðir í ágúst í fyrra.

Upphafið umfjöllun um skæruliðadeild Samherja

Málið á upphaf sitt í því að í maí 2021 birtu Kjarninn og Stundin, miðlarnir tveir sem nú hafa sameinast í Heimildina, fjölda frétta og fréttaskýringa, sem byggð voru á gögnum sem sýndu hvernig stjórn­­­end­­­ur, starfs­­­fólk og ráð­gjafar Sam­herja höfðu lagt á ráðin um að ráð­­­ast gegn nafn­­­greindum blaða­­­mönn­um, lista­­­mönn­um, stjórn­­­­­mála­­­mönn­um, félaga­­­sam­­­tökum og ýmsum öðrum til að hafa af þeim æruna, trú­verð­ug­­­leik­ann eða lífs­við­­­ur­vær­ið. 

Gögnin áttu uppruna sinn í samskiptum hóps fólks sem kallaði sig „Skæruliðadeild Samherja“. Í umfjöllun miðlanna kom fram að þrír einstaklingar gegndu lykilhlutverki í áróðursteymi Samherja: Þorbjörn Þórðarson, Arna Bryndís Baldvins McClure lögmaður og Páll Steingrímsson skipstjóri. Hópurinn var í reglulegum samskiptum við æðstu stjórnendur Samherja um hvernig hann ætti að beita sér. 

Þessi hegðun átti sér stað allt frá því að Kveikur, Stund­­­in, Wiki­leaks og Al Jazeera birtu umfjallanir sínar um Sam­herja og atferli fyr­ir­tæk­is­ins í Namibíu í nóv­em­ber 2019 og þangað til að umræddar fréttir og fréttaskýringar voru birtar í Stundinni og Kjarnanum.  

Sam­herji sendi frá sér yfir­­lýs­ingu vegna máls­ins 30. maí 2021. Þar sagði að ljóst væri að stjórn­­­endur félags­­­ins hafi gengið „of lang­t“ í við­brögðum við „nei­­­kvæðri umfjöllun um félag­ið [...] Af þeim sökum vill Sam­herji biðj­­­ast afsök­unar á þeirri fram­­­göng­u.“

Um miðjan febrúar á síðasta ári, 2022, var greint frá því að Þórður Snær Júlíusson ritstjóri og Arnar Þór Ingólfsson blaðamaður á Kjarnanum hefðu fengið stöðu sakborninga við rannsókn lögreglunnar á Norðurlandi eystra, á Akureyri, vegna meints brots á friðhelgi einkalífs. Hið sama átti við um Aðalstein Kjartansson blaðamann á Stundinni og Þóru Arnórsdóttur ritstjóra Kveiks á RÚV. Voru blaðamennirnir boðaðir til yfirheyrslu hjá lögreglunni af þessum sökum í ágúst á síðasta ári.

Gert að sök að hafa brotið gegn friðhelgi einkalífs

Blaðamönnunum fimm er gert að hafa gerst brotlegir við ákvæði 228. og 229. greina almennra hegningarlaga sem snú­ast um frið­helgi einka­lífs með því að taka við gögnum, vinna úr þeim og skrifa fréttir. Í gögnum málsins kemur skýrt fram að lög­reglan á Norð­ur­landi eystra telur það mik­il­vægt að lög­­regla rann­saki mál þar sem reynir á mörk tjáningarfrelsins fjölmiðla „þannig að dóm­stólum verði gert fært að fjalla efn­is­­lega um þessi mörk með hlið­­sjón af öllum þeim gögnum sem aflað hefur verið við rann­­sókn máls­ins.“

Ákvæðin sem blaðamönnunum fimm er gefið að hafa brotið gegn komu inn í íslensk lög árið 2021 og sam­hliða var bætt við sér­stöku refsi­leysi fyrir blaða­menn svo þeir geti áfram sem áður tekið við gögnum og fjallað um þau, telji þeir að gögnin eigi erindi. Í lög­skýr­ingu, sem sett er fram í áliti allsherjar- og menntamálanefndar milli umræðna um breytinguna, segir að ákvæðin eigi ekki við „þegar hátt­­­semin er rétt­læt­an­­­leg með vísan til almanna- eða einka­hags­muna. Er hér m.a. litið til þess að ákvæðið hamli ekki störfum og tján­ing­­­ar­frelsi fjöl­miðla, m.a. í þeim til­­­vikum þegar þeir fá aðgang að gögnum eða for­­­ritum sem hefur verið aflað í heim­ild­­­ar­­­leysi og geti varðað almanna­hags­mun­i.“ 

Auk blaðamanna er einstaklingur nákominn Páli Steingrímssyni skipstjóra með réttarstöðu sakbornings í rannsókn lögreglunnar, fyrir að taka síma hans ófrjálsri hendi og skila honum síðar. Sami einstaklingur hefur einnig legið undir grun um að hafa byrlað Páli, en niðurstaða réttarmeinafræðings sem fengin var af lögreglu til að vinna réttarfræðilega matsgerð var sú að engar handfastar vísbendingar væru til staðar um að reynt hafi verið að eitra fyrir Páli. 

Héraðsdómur sagði aðfarir lögreglu ólögmætar

Aðalsteinn Kjartansson kærði þá ráðstöfun lögreglunnar á Norðurlandi eystra að veita honum réttarstöðu sakbornings í málinu þegar í febrúar á síðasta ári. Fór hann fram á að Héraðsdómur Norðurlands eystra úrskurðaði um lögmæti aðgerða lögreglunnar í málinu.

Héraðsdómur úrskurðaði 28. febrúar 2022 að lögreglustjóranum á Norðurlandi, Páleyju Borgþórsdóttur, hafi verið óheimilt að veita Aðalsteini réttarstöðu sakbornings.

Í niðurstöðu héraðsdóms sagði að „blaðamaður verði ekki talinn brotlegur við 228. gr. og/eða 229. gr. almennra hegningarlaga fyrir það eitt að móttaka og sjá viðkvæm persónuleg gögn sem ekki varða almenning, enda er það þáttur í starfi blaðamanna að móttaka ýmis gögn og ábendingar sem þeir meta hvort eigi erindi við almenning.“ Enn fremur segir í dómnum að slíkt verði einnig að teljast eiga við almennt, það er að segja að það eitt að maður taki við og opni gögn sem dreift er í óþökk þess sem þau varðar, sé ekki refsivert athæfi.

Gunnar Ingi Jóhannsson, lögmaður Aðalsteins, sagði fyrir dómi að málflutningur lögreglunnar væri byggður á sandi. Engin staðfesting væri til staðar fyrir því að kynferðislegu efni hefði yfirhöfuð verði dreift. Kenningar lögreglu þar um væru samsæriskenningar og málatilbúnaðurinn hefði ekkert að gera með nein kynlífsmyndbönd heldur væri tilgangurinn að þagga niður í blaðamönnum.

Lögreglan á Norðurlandi eystra kærði úrskurð héraðsdóms til Landsréttar sem vísaði 16. mars 2022 máli Aðalsteins frá og tók ekki efnislega afstöðu varðandi kæru hans. Aðalsteinn kærði þá niðurstöðu til Hæstaréttar en rétturinn vísaði þeirri kæru frá og taldi að hann hefði ekki heimild til að kæra frávísunarúrskurðinn. Aðalsteinn hefur falið lögmanni sínum að fara með málið fyrir Mannréttindadómstól Evrópu.

Þóra Arnórsdóttir, sem einnig hefur stöðu sakbornings við rannsóknina, krafðist þess í apríl á síðasta ári fyrir Héraðsdómi Norðurlands eystra að embætti lögreglustjórans á Norðurlandi eystra yrði úrskurðað vanhæft til að rannsaka málið. Því hafnaði dómurinn.

Lítið sem ekkert unnið í rannsókn málsins mánuðum saman

Blaðamennirnir fjórir voru því teknir í yfirheyrslu að í ágúst síðastliðnum. Þar voru þeir meðal annars spurðir út í hverjir heimildarmenn þeirra gætu verið, hvernig vinnulagi við fréttaskrif er háttað og hvar þeir telji að mörk tjáningarfrelsis fjölmiðla liggja. Þær spurningar sem bornar voru fyrir Inga Frey á þriðjudag voru að uppistöðu af sama meiði. 

Í nóvember á síðasta ári sendu lögmenn blaðamanna kvörtun til ríkissaksóknara vegna rannsóknar málsins. Í kvörtun lögmanns Þórðar Snæs kemur fram að miðað við svör lögreglu til hans virðist enginn gangur hafa verið í rannsókn málsins um nokkurt skeið og að lögregla hafi borið fyrir sig annir við að sinna öðrum málum. Auk þess hafi utanumhald á rannsóknargögnum málsins og afhending þeirra væri brogað. Var farið fram á það að ríkissaksóknari hlutaðist til um að embætti lögreglustjórans á Norðurlandi eystra lyki meðferð málsins sem fyrst og án frekari tafa.

Í svari lögreglunnar á Norðurlandi eystra til ríkissaksóknaraembættisins sagði að veikindi eins sakbornings hefðu tafið rannsóknina og að ekki væri hægt að ljúka henni fyrr en hægt væri að taka skýrslu af viðkomandi einstaklingi. Enginn þeirra fimm blaðamanna sem fengið hafa réttarstöðu sakbornings í málinu hafa glímt við veikindi sem hafa hindrað þá frá því að mæta til skýrslutöku.

Í svarbréfi ríkissaksóknara til lögmanns Þórðar Snæs, sem er dagsett 6. febrúar síðastliðinn, segir að embættið telji „ekki efni til frekari aðgerða af sinni hálfu að svo stöddu en hefur óskað eftir því við lögreglustjórann á Norðurlandi eystra að hraða rannsókn málsins eins og hægt er.“

Fyrirvari um hagsmuni: Í fréttinni er fjallað um atburði sem tengjast Heimildinni og starfsmönnum fjölmiðilsins beint.

Kjósa
36
Hvernig finnst þér þessi grein? Skráðu þig inn til að kjósa.

Athugasemdir (7)

Skráðu þig inn til að skrifa athugasemd eða kjósa.
  • Ég segi nú bara: Það er eins gott fyrir hana að það komi eitthvað út úr þessari rannsókn.
    Það þarf ekki að spyrja að leiks lokum ef enginn verður dæmdur. En hún hefur enn smá tíma til að Bjarna bófast á kostnað almennings í landinu.

    p.s. væri ekki reynandi að hafa samband suður og fá smá aðstoð við rannsóknina. Þetta er orðið svo langdregið þetta leikrit að maður er farinn að missa þráðinn.
    Bið að heilsa ykkur Keystone Cops.
    0
  • Kristján Aðalsteinsson skrifaði
    Flott hjá samherja dæma þessa fasimo feministo fretta men beint með þá í fangelsi
    0
  • Kári Jónsson skrifaði
    Handbendi Samherja innan lögreglunnar misbeita gróflega valdi sínu gagnvart blaðamönnum/fjölmiðlum, það eitt og sér kallar á sérstaka rannsókn héraðssaksóknara á embætti lögreglu á norð-austur landi. Samherji hefur lögheimili í kjördæminu, svo það sé sagt. Hvað er að frétta af Samherja/Namíbíu-svindli forstjóra og annarra sakborninga í því óþverra máli ?
    1
  • SIB
    Sigurður I Björnsson skrifaði
    Þetta er svolítið svipað eins og þegar eigandi Wagner málaliðahópsins stóð í endalausum málaferlum við blaðamenn í Bretlandi til að neita því að hann væri eigandinn eða tengdist Wagner á einhvern hátt. Málatilbúnaðurinn var bull enda vissu það allir enda var markmiðið ekki að vinna mál heldur að láta fjölmiðla blæða í endalausum kostnaði. Þannig virkar ólígarkista landið Ísland orðið í dag.
    2
  • Gudmundur Einarsson skrifaði
    - Lítið sem ekkert unnið í rannsókn málsins mánuðum saman -
    Kælingaráhrif er allt sem þarf. Láta þetta hanga yfir blaðamönnum þangað til þeir gefast upp eða fara á eftirlaun.
    3
  • Hlynur Jörundsson skrifaði
    Engin lög koma í veg fyrir malamyndargerninga og harrasment opinberra aðila á meðlimum þjóðfélagsins og þetta mál sannar að íslensk spilling er kerfisspilling og Samherji í raun aukaatriði enda afleiðing ekki orsök
    1
  • HK
    Hallur Kristvinsson skrifaði
    Þessu þarf að fylgja eftir eins langt og hægt er. Ef skortir fé þá bara safna nafnlaust þannig að ekki komi fram opinberlega hverjir gáfu. Fyrir þá sem vilja gefa nafnlaust.
    5
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Sökktu kurli og seldu syndaaflausn
1
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Illugi Jökulsson
4
Pistill

Illugi Jökulsson

Sagði Kissin­ger að ban­vænt væri að vera vin­ur Banda­ríkj­anna?

Gam­all prest­ur (sem kall­ar sig reynd­ar „pastor emer­it­us“) skrif­ar grein í Morg­un­blað­ið til stuðn­ings stríði Pút­ins Rúss­lands­for­seta í Úkraínu. Hann kenn­ir Banda­ríkja­mönnum­um um það stríð eins og fleira í heimi hér; þeir hafi att Úkraínu­mönn­um út í stríð­ið og vitn­ar í því sam­bandi við orða Henry Kissin­gers:„Það má vera hættu­legt að eiga Banda­rík­in að óvini en að eiga þau að...
„Áhyggjuefni hvað langtímaveikindi innan blaðamannastéttarinnar hafa aukist mikið“
7
Fréttir

„Áhyggju­efni hvað lang­tíma­veik­indi inn­an blaða­manna­stétt­ar­inn­ar hafa auk­ist mik­ið“

Til þess að rétta af bága fjár­hags­stöðu Styrkt­ar­sjóðs blaða­manna hef­ur Blaða­manna­fé­lag­ið ákveð­ið að breyta út­hlut­un­ar­regl­um sjóðs­ins. Halla­rekst­ur­inn er rak­inn til fjölg­un­ar um­sókna um sjúkra­daga­pen­inga. Í til­kynn­ingu seg­ir að fé­lag­ið hafi mikl­ar áhyggj­ur af aukn­um lang­tíma­veik­ind­um með­al blaða­manna sem rekja megi til óvið­un­andi starfs­að­stæðna.
„Takk fyrir að gefa stað sem er nú rannsakaður fyrir mansal svona góð ummæli“
9
Fréttir

„Takk fyr­ir að gefa stað sem er nú rann­sak­að­ur fyr­ir man­sal svona góð um­mæli“

At­hygl­is­verð um­mæli hafa birst und­ir net­gagn­rýni um Gríska hús­ið á Google. Þar virð­ist veit­inga­stað­ur­inn, sem var lok­að­ur af lög­reglu í gær vegna gruns um man­sal, þakka ánægð­um við­skipta­vin­um fyr­ir að veita staðn­um já­kvæð um­mæli þrátt fyr­ir man­sal­ið. Gríska hús­ið hef­ur al­mennt ver­ið dug­legt að svara gagn­rýn­end­um sín­um full­um hálsi á net­inu.

Mest lesið

Mest lesið í vikunni

Sökktu kurli og seldu syndaaflausn
2
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Jesús Kristur breytti lífinu
4
Fólkið í borginni

Jesús Krist­ur breytti líf­inu

Kurt­eis og mjúk­máll ung­ur mað­ur sit­ur á brún­um bekk á Hlemmi. Hann bend­ir sessu­nauti sín­um á að strætó­inn hans sé kom­inn. Sá tek­ur úr sér heyrn­ar­tól­in og þakk­ar fyr­ir. Ungi mað­ur­inn sem sit­ur eft­ir bros­andi tal­ar ís­lensku með ör­litl­um hreim, en orða­forð­inn er áber­andi góð­ur. Hann er með barm­merki sem á stend­ur: Öld­ung­ur Matt­son. Hann seg­ir blaða­manni frá því hvað varð til þess að hann komst á þenn­an stað.
Bankarnir búnir með alla sénsa - peningaþvættisvarnir í ólestri
7
FréttirPeningaþvætti

Bank­arn­ir bún­ir með alla sénsa - pen­inga­þvættis­varn­ir í ólestri

Tæp­lega 600 millj­ón króna sátt Ís­lands­banka við yf­ir­völd vegna ónógra pen­inga­þvættis­varna er til marks um að bæði séu séns­ar eft­ir­lits­að­ila á þrot­um og að mun hærri sekt­ir verði lagð­ar á fyr­ir­tæki en áð­ur. Ari­on banki er næst­ur, en óljóst er hversu há sú sekt verð­ur. Fyr­ir tveim­ur ár­um greiddi Salt­Pay rúm­lega tíu sinn­um lægri sekt fyr­ir mun al­var­legri brot.

Mest lesið í mánuðinum

Auður Jónsdóttir
1
Skoðun

Auður Jónsdóttir

Þið er­uð óvit­ar! ­– hlust­ið á okk­ur

Það er andi elí­tísma í kring­um kosn­inga­bar­áttu Katrín­ar Jak­obs­dótt­ur. Nafn­tog­að­ir lista­menn, áhrifa­fólk í sam­fé­lag­inu og stjórn­mál­um jafnt sem vél­virkj­ar þaul­setn­asta stjórn­mála­flokks lands­ins leggj­ast á eina sveif með henni. Fyr­ir vik­ið eru kosn­ing­arn­ar áhuga­verð fé­lags­fræði­leg stúd­ía af því að í þeim af­hjúp­ast sam­taka­mátt­ur þeirra sem vald og raddsvið hafa – á ólík­um svið­um.
Saga af áralangri vanrækslu og vonleysi: „Þetta heitir Betra líf sko“
7
RannsóknBrostnar vonir á Betra lífi

Saga af ára­langri van­rækslu og von­leysi: „Þetta heit­ir Betra líf sko“

Slökkvi­lið­ið hef­ur sent kæru til lög­reglu á hend­ur Arn­ari Gunn­ari Hjálm­týs­syni fyr­ir að hafa stefnt lífi og heilsu íbúa áfanga­heim­il­is­ins Betra líf í Vatna­görð­um í hættu eft­ir að eld­ur kvikn­aði þar í fe­brú­ar í fyrra. Áfanga­heim­il­ið flutti þá upp í Kópa­vog. Í styrk­umsókn til Reykja­vík­ur fór Arn­ar með rang­færsl­ur en fékk engu að síð­ur rúm­ar 24 millj­ón­ir fyr­ir rekst­ur­inn. Full­trúi fé­lags- og vinnu­mark­aðs­ráðu­neyt­is­ins lýsti áhyggj­um af eit­ur­lyfja­sölu og vændi á einu áfanga­heim­il­inu.
„Hann sagði við mig að ef mér mislíkaði þetta gæti ég bara flutt út“
8
FréttirBrostnar vonir á Betra lífi

„Hann sagði við mig að ef mér mis­lík­aði þetta gæti ég bara flutt út“

Sylwia Burzy­kowska leigði 12 fer­metra her­bergi á áfanga­heim­ili Betra lífs á Kópa­vogs­braut á 140 þús­und krón­ur á mán­uði sem hún þurfti að greiða í reiðu­fé. Hún skrif­aði und­ir ótíma­bund­inn leigu­samn­ing en hafði að­eins bú­ið þar í þrjá mán­uði þeg­ar hús­ið var rif­ið í byrj­un mán­að­ar­ins. Sylwia býr nú í tjaldi.
Tugir fyrirtækja töldu rangt fram til að fá hærri styrki í „draumalandi nýsköpunarmanna“
10
Greining

Tug­ir fyr­ir­tækja töldu rangt fram til að fá hærri styrki í „draumalandi ný­sköp­un­ar­manna“

Efna­hags- og fram­fara­stofn­un­in, Al­þjóða­gjald­eyr­is­sjóð­ur­inn og Skatt­ur­inn hafa öll bent á að eft­ir­liti með út­greiðslu ný­sköp­un­ar­styrkja úr rík­is­sjóði, sem voru 1,3 millj­arð­ar króna fyr­ir nokkr­um ár­um en verða 24 millj­arð­ar króna ár­ið 2029, væri veru­lega ábóta­vant. Skatt­ur­inn hef­ur þeg­ar spar­að rík­is­sjóði 210 millj­ón­ir króna með því að gera gjalda­breyt­ing­ar hjá 27 að­il­um sem töldu fram ann­an kostn­að en ný­sköp­un til að fá styrki úr rík­is­sjóði. Einn starfs­mað­ur sinn­ir eft­ir­liti með mála­flokkn­um.

Mest lesið í mánuðinum

Nýtt efni

Mest lesið undanfarið ár

Loka auglýsingu