Engin færslu­gjöld og betri vextir eru meðal þess sem spari­sjóð­ur­inn indó stærir sig af. Hann var opn­aður form­lega í lok jan­úar á þessu ári og eru við­skipta­vinir spari­sjóðs­ins nú orðnir tæp­lega 18 þús­und. Enn sem komið er býður indó aðeins upp á debet­korta­reikn­ing en til stendur að auka úrval þjón­ust­unnar í náinni fram­tíð. 

Innkoma indó á íslenskan markað hefur vakið mikla athygli en und­ir­bún­ingur opn­unar spari­sjóðs­ins hefur staðið yfir síð­ustu miss­eri; árið 2020 voru til að mynda sagðar fréttir af því að „fjár­tækni­fyr­ir­tækið indó“ væri nálægt því að fá við­skipta­banka­leyfi, og fyrir ári að „áskor­enda­bank­inn indó“ hafi fengið starfs­leyfi sem spari­sjóður. Stóru bank­arnir hafa því haft nægan tíma til að und­ir­búa sig fyrir inn­komu indó. 

Hækka vexti á sparnaðarreikningum

Hver debet­korta­færsla hjá Íslands­banka kostar 20 krónur, það kostar 19 krónur að borga með debet­korti frá Arion banka og 18 krónur með debet­korti frá Lands­bank­anum. Við­skipta­vinir yngri en …