Fyrri aukaspurning, efri mynd:

Hver er hér með mömmu sinni?

***

Aðalspurningar:

1.  Hvað heitir höfuðborgin í Lúxembúrg?

2.  Uppi á hvaða fjalli fann Móse boðorðin tíu? 

3.  Hverrar þjóðar er söngstjarnan Loreen? Svo fáiði Eurovision-stig ef þið vitið til hvaða lands foreldrar hennar rekja ættir sínar.

4.  Hverrar þjóðar er kvikmyndastjarnan Sophia Loren?

5.  Hver er merking orðsins engill, bæði á grísku og hebresku?

6.  Bermúdaskálin er eins konar óopinber heimsmeistarakeppni í bridge. Ísland hefur einu sinni unnið, eins og frægt var. Hvaða ár var það?

7.  Hvaða þjóð skyldi oftast hafa unnið Bermúdaskálina eða 19 sinnum?

8.  Jurt ein er algeng á Íslandi- svo algeng að hún heitir á fræðimáli Cetraria islandica. Hún vex reyndar í fleiri löndum, en sést lítt eða ekki á byggðum bólum. Hvað köllum við þessa harðgerðu jurt?

9.  Hvað nefnast vinsælustu spáspil heimsins?

10.  Reykjavík er nokkurn veginn á 21. gráðu vestlægrar lengdar. Ef haldið er beint í suður frá Reykjavík, höfuðborg í hvaða ríki mun þá verða næst okkur á ferðalaginu? — Það er að segja, höfuðborg í hvaða ríki í suðri er næst lengdargráðu Reykjavíkur?

***

Seinni aukaspurning:

En hver er hér með mömmu sinni?

***

Svör við aðalspurningum:

1.  Lúxembúrg.

2.  Sínaí-fjalli.

3.  Loreen er sænsk. Foreldrar hennar eru aftur á móti frá Marokkó.

4.  Hún er ítölsk.

5.  Sendiboði.

6.  1991.

7.  Bandaríkin.

8.  Fjallagrös.

9.  Tarot-spil.

10.  Höfuðborg Grænhöfðaeyja, Praia, er næst lengdargráðunni okkar — örlítið nær en gráða Dakar í Senegal.

***

Svör við aukaspurningum:

Á efri mynd er Barack Obama með mömmu sinni en á þeirri neðri er Sólveig Anna Jónsdóttir með sinni móður.