Fyrri aukaspurning:

Hvað heitir kastalinn sem sjá má á myndinni hér að ofan? Nafnið verður að vera nánast stafrétt.

***

Aðalspurningar:

1.  Hvað hét sá sem lét reisa þennan kastala?

2.  Bandarískir bræður sem báru nafnið Jackson mynduðu fyrir nokkrum áratugum vinsæla hljómsveit. Brátt tók þó einn bróðirinn að skyggja á hina, bæði hvað snerti vinsældir og skandala ýmsa ófagra (þegar fram í sótti). Hvað hét hann?

3.  Systur þeirra bræðra lögðu einnig fyrir sig tónlist og náðu tvær þeirra allmiklum vinsældum, hvor í sínu lagi. Hvað hétu systurnar — og hér þarf að hafa bæði skírnarnöfnin rétt!

4.  Hvaða íslensku systkini gáfu bæði út glæpasögur fyrir síðustu jól — annað þeirra reyndar í samvinnu við annan mann og óskyldan? Nöfn beggja þurfa að vera rétt.

5.  Herculaneum var smáborg í Rómaveldi. Af hverju hefur nafn borgarinnar varðveist þótt nöfn óteljandi sambærilegra smáborga hafi gleymst?

6.  Hvað heitir lengsti neðansjávarfjallagarður Jarðar?

7.  Þegar páfinn í Róm flytur ræðu á heimaslóðum ávarpar hann fólk „urbi et orbi“. Hvað þýðir það?

8.  „Veistu gæskur að ...“ hvað?

9.  Í hvaða úthafi eru Kiribati-eyjar?

10.  Hvað heitir kunnasta verslunargatan í London?

***

Seinni aukaspurning:

Hvað hét konan á myndinni?

***

Svör við aðalspurningum:

1.  Lúðvík.  Það dugar.

2.  Michael.

3.  La Toya og Janet.

4.  Ármann og Katrín Jakobsbörn.

5.  Hún grófst undir ösku í sama gosi og Pompeii. 

6.  Atlantshafshryggurinn eða —fjallgarðurinn.

7.  „Í borg og heimi“.

8.  „... ekki er allt sem sýnist?“

9.  Kyrrahafinu.

10.  Oxford Street.

***

Svör við aukaspurningum:

Á efri myndinni er Neuschwanstein kastalinn.

Á neðri myndinni er Edda Heiðrún Backmann leikkona.