Willum Þór Þórsson heil­brigð­is­ráð­herra ját­aði í óund­ir­búnum fyr­ir­spurnum á Alþingi í gær að mögu­lega hefðu stjórn­völd ekki verið nægi­lega snemma í upp­bygg­ing­ar­ferli nýs Land­spít­ala þegar kemur að stöku bygg­ingum og stöku deildum. 

Lenya Rún Taha Karim, vara­þing­maður Pírata, sagði í fyr­ir­spurn sinni að inn­viðir geð­deild­ar­innar á Hring­braut þörfn­uð­ust bráð­nauð­syn­legra umbóta. Hús­næð­is­kost­ur­inn væri ekki aðeins óvið­un­andi heldur hefði sam­ein­ing deilda fækkað legu­plássum, bæði þar og á Kleppi. 

Hún spurði ráð­herr­ann meðal ann­ars hvort hann hefði áform um að útvega nýtt hús­næði fyrir nýja geð­deild. „Eða gleymd­ist bara algjör­lega að gera ráð fyrir geð­heil­brigð­is­málum í þeirri end­ur­skoðun sem á sér stað í heil­brigð­is­kerf­inu og í upp­bygg­ingu nýs Land­spít­ala?“

Ráð­herr­ann svar­aði og sagði að það hefði staðið til bóta og að verið væri búið að efla mjög það heild­ar­skipu­lag sem heldur utan um skoðun á stöðu eldri bygg­inga. Það væri rétt sem Lenya Rún segði að ekki væri boð­legt og ekki raun­hæft ástand bygg­inga – hvorki á Kleppi né við Hring­braut fyrir að vera með þessa starf­semi. „Það sem ég gerði var að ég var með mjög öfl­ugan starfs­hóp sem var í miklu not­enda­sam­ráði um aðgerða­á­ætlun í geð­heil­brigð­is­málum. Hluti af þeim starfs­hópi hélt áfram til að vinna út frá þess­ari skýrslu og skoða hús­næð­is­málin og ætlar að leggja til hvað er skyn­sam­leg­ast að gera.“ Hann sagði þetta mjög brýnt og mik­il­vægt mál.