Við erum stödd á götum Masjad, hinnar heilögu borgar, næstfjölmennustu borgar Íran. Þar kyssir Somayeh dóttur sína góða nótt og fer svo út í nóttina, þar sem hún starfar sem kynlífsverkakona. Við fylgjum henni eftir, sjáum samskipti við vafasama kúnna og við dópsala, eldri konu sem virðist sömuleiðis vera sálusorgari hennar. En svo kemur maður á mótorhjóli.

Somayeh er meðal fórnarlamba fjöldamorðingja sem drap sextán vændiskonur árin 2000 og 2001, kyrkti þær venjulega með þeirra eigin slæðu og henti líkunum á ruslahauga borgarinnar. Fyrstu tíu mínúturnar er hún aðalpersóna myndarinnar – og svo tekur blaðakonan Arezoo Rahimi við því hlutverki. Það er einhver þráður á milli þeirra, enda virðist blaðakonan sú eina sem hefur einlægan áhuga á örlögum þessara kvenna.

Hún er kjarnakvendi en þarf sömuleiðis að þola ágengni frekra karla, meðal annars lögreglumanna, sem hafa miklu minni áhuga á að hjálpa til við rannsóknina. Enda læðist að manni sá …