Fyrri aukaspurning:
Í hvaða borg er húsið á myndinni hér að ofan?
***
Aðalspurningar:
1. Þorskastríð nokkur voru háð á sjónum við Ísland með hléum frá 1958 til 1976. Hver var aðalandstæðingur Íslands í þessum stríðum?
2. En íslensku varðskipin þurftu líka að glíma við aðra þjóð, part af þessum tíma, og t.d. klippa veiðarfæri aftan úr togurum frá þessu landi líka. Hvaða land var þetta?
3. Hvað var íslenska fiskveiðilögsagan færð mikið út í fyrsta áfanga 1958?
4. Bræður þrír ganga undir ýmsum nöfnum. Á einum stað kallast þeir til dæmis Knatte, Fnatte og Tjatte. Hvað köllum við þessa bræður?
5. En á hvaða tungu kallast þeir Knatte, Fnatte og Tjatte?
6. Frá hvaða landi er hinn vinsælasti Budweiser-bjór?
7. Í hvaða frægu höll er hinn svonefndi Speglasalur — sá eini sanni?
8. Á þriðju öld fyrir Krist var Ashoka nokkur afar áhrifamikill keisari í svonefndu Máría-ríki sem teygði sig um mikið svæði ... hvar?
9. Ganaískur landsliðsmaður í fótbolta karla, Christian Atsu, lést í síðasta mánuði, aðeins 31 að aldri. Hann hafði leikið með liðum í Hollandi, Portúgal, Spáni, Englandi, Tyrklandi, Sádi Arabíu auk þess að leika með Blettatígrunum í heimalandi sínu. Hvað varð Atsu að bana svo ungum?
10. Í hvaða Evrópulandi er Gitanas Nauseda forseti?
***
Seinni aukaspurning:
Úr hvaða tölvuleik er þetta skjáskot?
***
Svör við aðalspurningum:
1. Bretland.
2. Vestur-Þýskaland.
3. Út í 12 mílur.
4. Ripp, Rapp og Rupp.
5. Sænsku.
6. Bandarískur. Fyrirtækið var stofnað i St.Louis, Missouri.
7. Versölum.
8. Indlandi.
9. Hann fórst í jarðskjálftanum mikla í Tyrklandi í byrjun febrúar.
10. Litháen.
***
Svör við aukaspurningum:
Húsið á efri myndinni er Guggenheim listasafnið í Bilbao.
Skjáskotið á neðri myndinni er úr tölvuleiknum Minecraft.
Spurningaþrautin
Fyrri grein
1062. spurningaþraut: „Söngvararnir voru með gula uppþvottahanska“
Næsta grein
Hins vegar deila 2 framleiðendur um vörumerkið "Budweiser" og hafa gert í um 100 ár.
Sumstaðar á tékkneski framleiðaninn einkarétt á nafninu og þar er sá ameríski seldur sem Bud, en þar sem sá ameríski á nafnið er sá tékkneski seldur sem Czechvar.
Hér á landi er ekkert slíkt til staðar og báðir bjórarnir seldir sem Budweiser.
Hins vegar er framleiðslan í Tékklandi, án nokkurs vafa, all nokkru eldri.