Fyrri auka­spurn­ing:

Hver er sú unga leik­kona sem hér má sjá í einu af fyrstu hlut­verkum sínum fyrir 31 ári?

***

Aðal­spurn­ingar:

1.  Hver var for­sæt­is­ráð­herra Breta á árunum 2019-2022?

2.  Hvaða dag í hitteð­fyrra urðu óeirðir í Washington, höf­uð­borg Banda­ríkj­anna?

3.  Hver er mesta á Íslands sem kennd er við kvik­fénað af ein­hverju tagi?

4.  Halla Hrund Loga­dóttir var skipuð í mik­il­vægt opin­bert emb­ætti í júlí 2021 og hefur gegnt því síðan. Hún var fyrsta konan sem gegnt hefur þessu starfi. Halla Hrund er sem sé ... hvað?

5.  St.Louis heitir borg ein í Banda­ríkj­unum sem kennd er við dýr­ling kaþ­ólsku kirkj­unnar sem hét Louis eða Loðvík sem uppi var á 13. öld. Hvaða starfa hafði þessi Loðvík sem kirkjan gerði að dýr­lingi og borgin var svo seinna kennd við?

6.  Í hvaða ríki Banda­ríkj­anna ætli borgin St. Louis sé ann­ars nið­ur­komin?

7.  Hvernig var Moby Dick á lit­inn?

8.  Hvaða dýra­teg­und var Moby Dick, nákvæm­lega til­greint?

9.  Við hvað starfar Marius von Mayen­burg?

10.  Á und­an­förnum miss­erum hefur athygli fólks erlendis í auknum mæli beinst að þjóð­fé­lags­hópi sem kall­aður er á ensku „incels“ en það er raunar skamm­stöfun á því sem ein­kennir hóp­inn. Sumum er illa við að vera nefndir til sögu í þessum hópi en aðrir gang­ast fús­lega við því. Athyglin hefur ekki síst beinst að hópnum vegna vanga­veltna um hvort ein­stak­lingar innan hans séu hættu­legir. Hverjir eru incels?

***

Seinni auka­spurn­ing:

Hvað heitir stað­ur­inn sem rauða merkir bendir á?

***

Svör við aðal­spurn­ingum:

1.  Boris Johnson.

2.  6. jan­úar.

3.  Þjórsá.

4.  Orku­mála­stjóri.

5.  Hann var Frakka­kóngur.

6.  Missouri.

7.  Hvítur.

8.  Búr­hvalur.

9.  Hann leik­rita­höf­undur.

10.   Incels er skamm­stöfun fyrir „involunt­ary celibate“ og er notað um mann­eskjur (nær ein­göngu karl­menn) sem eru gramir og ósáttir við að njóta ekki hylli gagn­stæða kyns­ins (kvenna) og finnst það ýmist vera sam­fé­lag­inu eða konum að kenna. All­margir þeirra sem fremja til­efn­is­lausar skotárásir í Banda­ríkj­unum telj­ast til incels.

***

Svör við auka­spurn­ingum:

Á efri mynd­inni er Gwyneth Paltrow.

Á neðri mynd­inni er spurt um Horn­bjarg.