Ég gaf Frankensleiki eftir Eirík Örn Norðdahl fjórar stjörnur á síðum þessa blaðs fyrir skemmstu – en gleði höfundar reyndist skammvinn.

„Ég var eitthvað að hreykja mér af því að hafa fengið fjögurra stjörnu dóm í bókablaði Stundarinnar þegar vinur minn settist niður og reiknaði út að meðalstjörnugjöfin í bókablaðinu hefði verið 4.125 stjörnur og Frankensleikir því tæknilega séð undir meðallagi góð bók,“ sagði Eiríkur á bloggi sínu, norddahl.org.

Ég ákvað í kjölfarið að heyra í stjörnuglöðum kollegum mínum og ræða verðbólgu í stjörnuflóðinu, kosti stjörnugjafar og galla – og sitthvað fleira tengt bókaflóði og gagnrýni.

„Þetta er auðveld leið til að koma til skila upplifun á ritverki, á fremur yfirborðskenndan máta að sjálfsögðu, sem getur í versta falli hrakið lesanda frá ritdómnum og í verra falli bókinni sjálfri. En um leið getur stjörnugjöfin fengið lesanda til að lesa ritdóm og vonandi bókina sjálfa,“ segir Arnór Hjartarson og gagnrýnendaparið Bára …