Á götum hinna ýmsu borga í Kína hefur á und­an­förnum dögum mátt heyra hrópað: „við viljum frelsi“, „Xi Jinping, stígðu í burtu“ og „Komm­ún­ista­flokkur, stígið í burtu“. Í landi þar sem tján­ing­ar­frelsi er tak­markað og stjórn­völd halda fast um stjórn­ar­taumana er fáheyrt að almenn­ingur efni til mót­mæla og gagn­rýni stjórn­völd opin­ber­lega. Enn sjald­gæfara er að mót­mælin dreif­ist á milli borga eins og nú hefur gerst. 

Mót­mæla­bylgjan hófst síð­ast­lið­inn föstu­dag eftir að tíu manns, full­orðnir og börn, lét­ust og níu aðrir voru lagðir alvar­lega slas­aðir inn á spít­ala í kjöl­far bruna í íbúða­bygg­ingu í borg­inni Xinijang. Samkvæmt sjón­ar­vottum komst slökkvi­lið hverf­is­ins ekki nægi­lega nálægt bygg­ing­unni til þess að geta slökkt eld­inn, heldur neydd­ist til þess að leggja langt frá vegna þess að röð yfir­gef­inna bíla teppti aðkomu að bygg­ing­unni.

Covid aðgerðir undirrótin

Íbúar kenndu hörðum sótt­varn­ar­reglum vegna Covid-19 far­ald­urs­ins um að bílar liggi yfir­gefnir á víð og dreifð um borg­ina, og …