Yfirtöku lífeyrissjóðanna á tölvukerfinu Jóakim úr höndum hugbúnaðarfyrirtækisins Init er nú lokið. Átta starfsmenn hafa verið ráðnir í sérstakt rekstrarfélag sjóðanna, sem áður þjónaði eingöngu sem eignarhaldsfélag um kerfið, sem var þróað og rekið af Init.
Init-málið vakti athygli vorið 2021 þegar Kveikur fjallaði um óútskýrðan hagnað systurfyrirtækis Init ehf., sem þróaði og sá um rekstur eins mikilvægs tölvukerfis í rekstri fjölda lífeyrissjóða á Íslandi. Lífeyrissjóðirnir, í gegnum eignarhaldsfélagið Reiknistofa lífeyrissjóða, tók yfir rekstur þessa kerfis, sem heitir Jóakim, í kjölfar rannsóknar endurskoðendaskrifstofunnar Ernst og Young sem staðfesti það sem fram kom í umfjöllun Kveiks.
Init-rekstur, systurfélag Init, hafði selt hinu félaginu umfangsmikla þjónustu sem reyndist ekki hægt að skýra þegar lífeyrissjóðirnir fóru þess á leit. Talsverður arður var greiddur út úr því félagi sem og þremur eignarhaldsfélögum sem þrír eigendur og lykilstjórnendur Init áttu, sem líka hafði selt Init umfangsmikla þjónustu, sem óljóst var í hverju fólst. Þetta vakti …
Þú segir að ekkert sé ofsagt í því sem er í textanum hér að ofan. En þarna er blaðamaðurinn að tala um “rannsókn” sem var ekki rannsókn, heldur úttekt sem hægt er að nálgast hér: https://www.rl.is/static/files/samantekt-og-helstu-nidurstodur-uttektar-ey-a-samningi-rl-og-inits.pdf , en hún staðfestir fátt af því sem lagt var upp með í upphafi í Kveik, nema arð og verktakagreiðslur sem aðilar vissu af.
En Init vann sína vinnu samkvæmt gjaldskrá sem um var samið í tvíhliða samningum milli Reiknistofu lífeyrissjóðanna (RL) og Init á nokkurra ára fresti og Init hefur ekki innheimt fyrir sína þjónustu nema samkvæmt gjaldskrá. Sú þjónusta sem Init veitti er og var einnig í boði hjá öðrum fyrirtækjum sem þjónusta aðra lífeyrissjóði. En hvergi hefur komið fram að þjónusta Init hafi verið dýrari en hjá öðrum fyrirtækjum, enda samdi RL ítrekað aftur við Init þegar samningar voru lausir.
Varðandi arðgreiðslurnar, þá er annars vegar um að ræða systurfélag Inits og síðan einkahlutafélög þriggja starfsmanna sem ekki hefur verið fjallað um á réttan hátt, en þú veist kannski betur? En Init Rekstur var stofnað að kröfu RL, og eru eðlilegar skýringar á arðgreiðslum úr því félagi. En í raun eru arðgreiðslurnar algjört aukaatriði, því að aðalatriðið er þetta: Init veitti góða þjónustu fyrir gjald sem var samið um. En fyrst þú situr í stjórn Lífeyrissjóðs Rangæinga, sem er hluthafi í RL, hefur þú væntanlega tök á að kynna þér hvort nú sé innheimt lægra gjald fyrir þá þjónustu sem Init veitti og RL veitir nú.