Mats­maður sem feng­inn var til að meta galla á fast­eignum á jörð í Mos­fells­dal rukk­aði 2,6 millj­ónir króna fyrir, en matið sem hann fram­kvæmdi var dæmt ónot­hæft fyrir hér­aðs­dómi. Krafa kaup­enda í dóms­mál­inu féll því niður en engu að síður þurftu þeir að greiða fyrir matið. Annar mats­maður sem feng­inn var til að gera sömu úttekt gaf út að matið myndi kosta 4 millj­ónir króna en rétt áður en skila átti mat­inu inn til dóm­stóla hækk­aði sú upp­hæð í 5,2 millj­ónir króna.

Stjórn Mats­manna­fé­lags Íslands segir „grát­legt að ekki hafi tek­ist betur til í starfi hans [fyrri mat­manns­ins] en raun ber vitni“. Stjórn félags­ins harmar jafn­framt að „óboð­leg vinnu­brögð mats­manns­ins hafi bitnað svo illi­lega á þér,“ í bréfi til kaup­anda. Hins vegar hafi félagið enga lög­sögu yfir félags­mönnum sínum og geti því ekki beitt sér í mál­inu. Enginn sinni eft­ir­liti með vinnu mats­manna annar sen sá sem óski eftir mati …