Fyrri aukaspurning:

Á myndinni hér að ofan er persónan Padmé Amidala. Hvar kemur hún við sögu?

***

Aðalspurningar:

1.  Árið 1949 kom til óeirða á Austurvelli í Reykjavík og beitti lögreglan bæði táragasi og varaliði svonefndra „hvítliða“. Hvað var tilefni óeirðanna?

2.  En hvaða dag urðu þessar óeirðir?

3.  Hvar í Frakklandi er haldið fræg kvikmyndahátíð á vordögum á hverju ári?

4.  Á Ítalíu er líka haldin fræg kvikmyndahátíð en hún stendur aðallega í september. Aðalverðlaun þar heita Gullna ljónið. Í hvaða borg á Ítalíu fer sú kvikmyndahátíð fram?

5.  Við hvaða eðlisfræðilegu aðstæður (í tómarúmi) er hraði ljóssins mestur?

6.  Hvaða millinafn notaði Halldór Laxness um miðbik ævinnar?

7.  Í hvaða heimsálfu er hæsta fjall heimsins — utan Asíu?

8.  Ein er sú borg í heimi hér sem tvö ríki kalla höfuðborg sína. Hvaða borg er það?

9.  Árið 2003 hófst útgáfa á nýju blaði í Reykjavík sem komið hefur út allar götur síðan. Það er skrifað á ensku og er einkum ætlað útlendingum en margir Íslendingar hafa líka gaman af að lesa umfjöllun blaðsins um íslenskt samfélag, skemmtanalíf, menningu, mat, tónlist, tísku og fleira. Hvað heitir þetta blað?

10.  Hver er Belsebúb?

***

Seinni aukaspurning:

Hver er þessi ungi dáti?

***

Svör við aðalspurningum:

1.  Innganga Íslands í NATO.

2.  30. mars.

3.  Cannes.

4.  Feneyjum.

5.  Hraði ljóssins er alltaf sá sami. Alltaf. Það er ein helsta meginstoð eðlisfræði okkar að svo sé.

6.  Kiljan.

7.  Suður-Ameríku.

8.  Jerúsalem.

9.  Grapewine.

10.  Djöfullinn.

***

Svör við aukaspurningum:

Padmé Amidala er drottning og stjórnmálamaður sem kemur við sögu í Star Wars-heimum.

Á neðri mynd er Winston Churchill.