Einka­rekna grunn- og leik­skóla­fyr­ir­tækið Hjalla­stefnan greiddi tæp­lega 55 millj­ónir króna út úr félag­inu til að kaupa hluta­bréf fram­kvæmda­stjór­ans Þórdísar Jónu Sig­urð­ar­dóttur af henni þegar hún lét af störfum í fyrra. Frá þessu er greint í árs­reikn­ingi Hjalla­stefn­unnar fyrir árið 2021. Þetta var gert með því að lækka hlutafé félags­ins um sem nemur þess­ari upp­hæð og kaupa bréfin af eign­ar­halds­fé­lagi Þórdísar Jónu. 

Tekið skal fram að slík ráð­stöfun er full­kom­lega lög­leg og er stundum beitt til að greiða fé út úr félögum án þess að gera það með arð­greiðslum. 

Hjalla­stefnan er fyr­ir­tæki sem á og rekur 16 leik­skóla og þrjá barna­skóla á Íslandi. Fyr­ir­tækið er að hluta til fjár­magnað með opin­beru fé. Sveit­ar­fé­lögin þar sem skólar Hjalla­stefn­unnar starfa greiða pen­inga til fyr­ir­tæk­is­ins með hverju barni. Við þessa opin­beru fjár­mögnun bæt­ast gjöld sem for­eldrar barna í leik­skól­unum greiða. 

Þórdís Jóna hefur setið í stjórnum fjölda fyr­ir­tækja í gegnum árin, meðal ann­ars fjar­skipta­fyr­ir­tæk­is­ins …