Fyrri aukaspurning:

Í hvaða teiknimyndaseríu birtast persónurnar sem hér að ofan sjást?

***

Aðalspurningar:

1.  Karladeild Víkings í fótbolta átti á dögunum í harðri keppni við öflugt útlenskt lið um sæti í svonefndri Sambandsdeild í Evrópuboltanum. Víkingur beið að lokum lægri hlut, 2-4 samanlagt. En frá hvaða landi var andstæðingurinn sem sló Víking út?

2.  Neil Gaiman heitir höfundur einn, margverðlaunaður fyrir fantasíur af ýmsu tagi. Hann er til dæmis höfundur teiknimyndasagna sem nú gera garðinn frægan á Netflix í formi sjónvarpsseríu. Þar segir frá eins konar herra draumalandsins, ef ég skil þetta rétt. Hvað heitir þessi sería?

3.  Brian Epstein dó aðeins 32 ára árið 1967. Hann var frægur umboðsmaður hvaða hljómsveitar?

4.  Undir hvaða nafni er Vladimir Ulyanov þekktastur?

5.  Egill Skallagrímsson á að hafa grafið silfursjóð sinn mikinn skömmu áður en hann lést í hárri elli og hefur sjóðurinn aldrei fundist. Nálægt hvaða bæ á silfur Egils að hafa verið grafið?

6.  En hvað hafði Egill skömmu áður ætlað sér að gera við silfrið — þótt hann væri blessunarlega hindraður í því?

7.  „Máninn líður, / dauðinn ríður; sérðu ekki ...“ Sérðu ekki hvað?

8.  Og hver fór með þessa óhugnanlegu þulu?

9.  Capo Froward heitir syðsti oddi meginlands Suður-Ameríku. Í hvaða landi er Capo Froward (þetta er ekki misritun fyrir Forward)?

10.  Punta Gallinas heitir hins vegar nyrsti oddi sama meginlands. Í hvaða landi skyldi Punta Gallinas vera?

***

Seinni aukaspurning:

Hvað heitir skipið sem siglir leið sína á myndinni hér að neðan?

***

Svör við aðalspurningum:

1.  Póllandi.

2.  Sandman.

3.  Bítlanna.

4.  Lenín.

5.  Mosfelli.

6.  Hann hugðist dreifa silfrinu yfir mannsöfnuð á Alþingi til að njóta þess að heyra þingheim berjast um silfrið.

7.  „... hvítan blett / í hnakka mínum.“

8.  Djákninn á Myrká.

9.  Tjíle.

10.  Kólumbíu.

***

Svör við aukaspurningum:

Þær Wilma og Betty komu við sögu í Steinaldarmönnunum, Flintstones á frummálinu.

Á seinni myndinni er Gullfoss.