Skýrslu­taka hefur farið fram hjá lög­reglu vegna kæru Vítalíu Lazarevu gegn Þórði Má Jóhann­essyni, Hregg­viði Jónssyni og Ara Edwald. Hún kærði menn­ina þrjá fyrir kyn­ferð­is­brot í sum­ar­húsi á Vest­ur­landi árið 2020. Ranglega hefur verið haldið fram í fjöl­miðlum síð­ustu vikur að engin kæra hafi verið lögð fram, sam­kvæmt því sem rétt­ar­gæslu­maður hennar segir í sam­tali við Stundina. Lögmenn mann­anna þriggja vís­uðu í yfir­lýs­ingu frá lög­reglu um að ekk­ert mál væri skráð á hendur þeim í mála­skrár­kerfi. Rétt­ar­gæslu­maður Vítalíu stað­festir að hafi gefið skýrslu vegna kærunnar hjá lög­reglu síð­ast­lið­inn mánu­dag.  

Ekki „bara“ þukl

Vítalía kom fram í við­tali í hlað­varps­þætt­inum Eigin konur í jan­úar á þessu ári þar sem hún greindi frá kyn­ferð­is­brotum sem hún sagði hafa átt sér stað í sum­ar­húsi í lok árs 2020. Í við­tal­inu lýsti hún því að hafa verið gest­kom­andi í sum­ar­húsi þar sem fjórir menn voru að skemmta sér. Þegar líða tók á kvöldið hafi …