Fyrri aukaspurning:

Einkennismerki hvaða fyrirtækis má sjá hér að ofan?

***

Aðalspurningar:

1.  Eldgosið í fyrra er kallað gosið í ... ?

2.  Hvaða eyja er á milli Korsíku og Sikileyjar á Miðjarðarhafinu?

3.  Hvað gerði Sylwia Zajkowska á dögunum sem vakti athygli?

4.  Fyrir hvaða kvikmynd vann Steven Spielberg fyrstu Óskarsverðlaun sín sem leikstjóri árið 1994?

5.  Fimm árum seinna vann hann aftur sömu verðlaun en nú fyrir hvaða mynd?

6.  Hvað heitir höfuðborgin í Suður-Kóreu?

7.  Árið 2012 sendi suður-kóreskur tónlistarmaður frá sér lag sem varð ógurlega vinsælt, Gangnam Style. Hvað nefnir hann sig?

8.  En hvað er þetta „Gangnam“ sem lagið fjallar um?

9.  Þann 6. janúar 2021 gerði múgur aðsúg að þinghúsinu í Washington. Hluti þeirra sem þar voru mættir voru á vegum ýmissa hægriöfgasamtaka og þar voru tvenn samtök helst. Nefnið að minnsta kosti önnur samtökin, það dugar fyrir stigi. Ef þið getið nefnt bæði, þá fáið hins vegar sérstakt Trump-stig!

10.  Námaskarð í námunda við eina af helstu náttúruperlum Íslands. Hver er sú?

***

Síðari aukaspurning:

Hver er karlinn á myndinni hér að neðan?

***

Svör við aðalspurningum:

1.  Geldingadölum.

2.  Sardinía.

3.  Fór með hlutverk fjallkonunnar á Austurvelli.

4.  Schindler's List.

5.  Saving Private Ryan.

6.  Seúl.

7.  Psy.

8.  Hverfi í Seúl.

9.  Proud Boys og Oathkeepers.

10.  Mývatn.

***

Svör við aukaspurningum:

Á efri myndinni er lógó Coco Chanel, tískufyrirtækisins.

Á neðri myndinni er Þórbergur Þórðarson rithöfundur.

Og rifjið svo upp heillavænleg kynni ykkar af Gangnam Style!