Fyrri aukaspurning:

Hér að ofan má sjá áströlsku leikkonuna Margot Robbie þar sem hún ærslast í titilhlutverki bíómyndar sem verður frumsýnd á næsta ári en er þegar farin að vekja nokkra athygli. Hvað skyldi sú persóna heita sem Robbie leikur í þessari mynd?

***

Aðalspurningar:

1.  Í hvaða Evrópulandi er borgin Þessalonika?

2.  Árið 1810 var 18 ára austurrísk prinsessa látin giftast rúmlega fertugum karli af því það hentaði foreldrum hennar pólitískt. Prinsessunni Maríu Lovísu leist ekki á blikuna en nokkuð óvænt, þá reyndist hjónabandið ástríkt þótt ekki stæði það lengi. Hver var eiginaðurinn?

3.  Ursula von der Leyen hefur verið forseti framkvæmdastjórnar Evrópusambandsins undanfarin þrjú ár. Hverrar þjóðar er hún?

4.  Forveri hennar í embætti þótti stundum nokkuð puntaður. Hver er hann?

5.  Hver var biskup Íslands á undan núverandi biskupi?

6.  Hvað heitir litla frænka Soffíu frænku í Kardimommubæ?

7.  Í hvaða landi er Fumio Kishida forsætisráðherra nú um stundir?

8.  Faxaflói er breiðasti fjörður eða flói landsins. En hve breiður er hann frá Arnarstapa á Snæfellsnesi og suður á Garðskaga á Reykjanesi? Er hann um það bil 47 kílómetra breiður — 67 kílómetra — 87 kílómetra — eða 107 kílómetra breiður?

9.  Shawshank Redemption heitir vinsæl kvikmynd. Hvar gerist hún að mestu?

10.  Á vefnum Eldgos.is segir: „Mjög stórt sprengigos varð á svæðinu fyrir um 10-11.000 árum.  Í kjölfar þeirrar hrinu seig hluti [fjallanna] um ca 200 metra.“ Um hvaða eldstöð er þarna verið að ræða? Og sprengistig fæst fyrir að vita hvaða fjöll eru þarna nefnd. 

***

Seinni aukaspurning:

Hún er af svipuðu tagi og sú fyrri. Á myndinni hér að neðan má sjá filmstjörnuna Ryan Gosling í hlutverki sínu í væntanlegri bíómynd Gretu Gerwig. Í hvaða hlutverki er Gosling þarna?

***

Svör við aðalspurningum:

1.  Grikklandi.

2.  Napóleon Bonaparte.

3.  Hún er þýsk.

4.  Juncker.

5.  Karl Sigurbjörnsson.

6.  Kamilla.

7.  Japan.

8.  87 kílómetrar.

9.  Í fangelsi.

10.  Eldstöðin er Askja. Föllin eru Dyngjufjöll.

***

Svör við aukaspurningum:

Myndirnar eru báðar úr sömu væntanlegu bíómyndinni, Barbie, og þau Robbie og Gosling leika vitaskuld Barbie og Ken.