„Ég bara skil það ekki,“ segir móðir trans drengs um það hvernig á því geti staðið að fólk úti í bæ ótt­ist, hafi for­dóma gegn eða hat­ist jafn­vel við trans fólk. Henni finnst það óskilj­an­legt hvernig svo megi vera því til­vera trans fólks og líf káfar með engum hætti upp á líf eða til­veru ann­arra. „Það vekur sorg hjá mér að það sé ekki verið að hylla þau frekar en gera lítið úr þeim,“ segir Sigríður Eyþórs­dóttir, Sigga Ey, tón­list­ar­kona, Júrós­vision­fari og móðir trans drengs.

Sonur Siggu kom út sem trans snemma á ung­lings­árum eftir mikla van­líðan sem fyrst og fremst tengd­ist þeim mikla kynama sem hann fann fyrir. Kynami lýsir sér svo að fólk finnur að það er ekki í réttum lík­ama, heldur stang­ast kyn­vit­und þess á við lík­am­leg kynein­kenni. Slíkum til­finn­ingum fylgir alla jafna mikil van­líðan og er sú sál­fræði­lega grein­ing sem trans fólk er greint með innan …