Fyrri aukaspurning:

Hvað skyldi þetta eldfjall heita? Myndin er tekin skömmu eftir eldgos.

***

Aðalspurningar:

1.  Hvaða jurt heitir eftir latneska orðinu yfir úlf?

2.  Fyrir 65 árum var gerð fræg kvikmynd þar sem breskir stríðsfangar eru neyddir til að smíða brú yfir fljót eitt, og leiðtogi fanganna tekur það svo hátíðlega að hann leggur allan metnað sinn í verkið, þó hann sé í rauninni að liðsinna óvinunum með verkinu. Myndin heitir Brúin yfir ... hvaða fljót?

3.  Hverjir eru það sem hafa Bretana í haldi við þessa brúarsmíði?

4.  Hvað hétu helstu byggðir norrænna manna á Grænlandi á miðöldum?

5.  Til hvaða Evrópuríkis telst eyjan Hydra?

6.  Kanadískur tónlistarmaður hélt til á eyjunni á örlagaríku skeiði ævinnar og kynntist þar konunni Marianne sem hann kvaddi síðan í frægu lagi. Hvað hét þessi tónlistarmaður?

7.  Alexandra Briem situr í borgarstjórn Reykjavíkur fyrir ... hverja?

8.  En hvar er Íris Róbertsdóttir bæjarstjóri?

9.  Manchester City varð á dögunum Englandsmeistari í fótbolta karla. Rauðbirkinn Belgi er einhver allra besti maður liðsins. Hvað heitir hann?  

10.  Hvað er narsissisti?

***

Seinni aukaspurning:

Hér sést hluti af plakati nýlegrar bíómyndar. Hvað heitir hún?

***

Svör við aðalspurningum:

1.  Lúpína.

2.  Kwai.

3.  Japanir.

4.  Eystribyggð og Vestribyggð.

5.  Grikklands.

6.  Leonard Cohen.

7.  Pírata.

8.  Vestmannaeyjum.

9.  De Bruyne.

10.  Einstaklingur svo sjálfhverfur að það er komið út í sjúklegar öfgar.

***

Svör við aukaspurningum:

Á myndinni að ofan er fjallið St.Helens í Bandaríkjunum sem gaus frægu sprengigosi árið 1980.

Á neðri myndinni er hluti af plakati myndarinnar Joker. Svona leit það út í heild: