Fyrri aukaspurning:

Hvaða ballett er (næstum áreiðanlega) verið að flytja þarna?

***

Aðalspurningar:

1.  Og þá er spurningin, hver samdi tónlistina við þann ballett?

2.  Á hvaða tímum mátti finna hinn svokallaða „konung af Jerúsalem“?

3.  Hvað er biðukolla?

4.  En hvað þýðir að vera mélkisulegur?

5.  Leiðtogar margra stríðsþjóðanna í síðari heimsstyrjöld voru uppgjafa listamenn. Hitler til dæmis, hann hafði á sínum yngri árum ... skapað hvernig listaverk?

6.  En Stalín, hvað fékkst hann við í æsku?

7.  Churchill var margt til lista lagt, hann skrifaði eina skáldsögu í æsku en á miðjum aldri tók hann að fást við ... hvaða listaverk?

8.  Einn stríðsleiðtogi í viðbót gaf út skáldsöguna Ástkona kardínálans. Hver skyldi það hafa verið?

9.  Í hvaða heimsálfu er ríkið Brunei?

10.  Sally Hemings hét kona ein. Hún var að einum fjórða að afrískum uppruna en þremur fjórðu af evrópskum uppruna. Það skipti máli í hennar tilfelli því vegna hins afríska uppruna var hún í þrældómi alla ævina. Lengst af hún í eigu karlmanns sem var annálaður gáfumaður, skörungur og stjórnvitringur. Hann hafði Sally að ástkonu sinni og gerði henni börn. Hver var hann?

***

Seinni aukaspurning:

Hver er hér í andarslitrunum?

***

Svör við aðalspurningum:

1.  Tjækovskí.

2.  Krossfaratímunum.

3. Túnfífill á síðasta skeiði ævinnar.

4.  Ræfilslegur, lítilfjörlegur, jafnvel pempíulegur

5.  Málverk.

6.  Ljóð.

7.  Málverk.

8.  Mussolini.

9.  Asíu.

10.  Thomas Jefferson forseti Bandaríkjanna.

***

Svör við aukaspurningum:

Efri myndin sýnir senu úr Svanavatninu.

Neðri myndin sýnir Nelson flotaforingja rétt áður en hann dó á skipi sínu Victory.