Fyrri aukaspurning:

Hér má sjá skjáskot úr bíómynd frá 2010. Hvað heitir myndin?

***

Aðalspurningar:

1.  Og þá í framhaldi af því, hvað heitir leikkonan sem á myndinni sést, svona fremur þungbúin?

2.  Hvaða kattardýr er stærst og þyngst?

3.  Í hvaða land eru Jaguar-bílar upprunnir?

4.  Einn af jöklum Íslands var einu sinni nefndur Arnarfellsjökull en hann var svo skírður upp á nýtt og fengið heiti eftir bæ einum í Skagafirði. Hvað heitir Arnarfellsjökull núna?

5.  Í hvaða heimsálfu er landið Austur-Tímor?

6.  Hvaða lið hefur oftast orðið Íslandsmeistari í körfubolta karla?

7.  Í júlí 1979 skall fellibylurinn Bob á strönd Louisiana-ríkis í Bandaríkjunum og olli þar töluverðum skaða. Ekki er þó vitað um nema eitt banaslys af völdum Bobs. Miðað við stærri fellibylji var Bob því ekki mjög sögulegur en hann á þó fastan sess í sögunni af ákveðinni ástæðu. Hver er hún?

8.  Ólöf Helga Adolfsdóttir er fyrrverandi varaformaður í félagi einu. Hvaða félagi?

9.  „Hest! Hest! Mín konungskrúna fyrir hest!“ hrópar kóngur einn á flótta undan óvinum sínum eftir að hafa tapað orrustu. Hvaða kóngur var það?

10.  Þessi lína er raunar úr frægu leikriti um kónginn sem ... hver ... skrifaði?

***

Seinni aukaspurning:

Hvaða stórborg sést hér úr lofti? Norður vísar upp eins og á venjulegum kortum.

***

Svör við aðalspurningum:

1.  Natalie Portman.

2.  Tígrisdýr.

3.  Englandi, Bretlandi.

4.  Hofsjökull.

5.  Asíu.

6.  KR.

7.  Fyrsti fellibyllurinn sem opinberlega var nefndur karlmannsnafni.

8.  Eflingu.

9.  Ríkarður 3.

10.  Shakespeare.

***

Svör við aukaspurningum:

Á efri myndinni er skjáskot úr myndinni Black Swan.

Á neðri myndinni er Barcelona.