Fyrri aukaspurning:

Hvað heitir konan á myndinni hér að ofan? Myndin var tekin fyrir um áratug.

***

Aðalspurningar:

1.  Hver er kallaður fyrsti formlegi keisari Rómaveldis?

2.  Íslendingar deildu lengi um það kringum aldamótin 1900 hvar fyrsti íslenski ráðherrann skyldi staðsettur þegar hann yrði loks skipaður. En þeir töluðu þá reyndar ekki um RÁÐHERRA, heldur var embættið kallað ... hvað?

3.  Hvar er bærinn Tasilaq?

4.  Lee Harvey Oswald á sér sína neðanmálsgrein í mannkynssögunni vegna þess að hann ... gerði hvað?

5.  Stofnun sem hét fullu nafni Geheime Staatspolizei er oftast kölluð ...?

6.  Will nokkur Smith fékk um daginn Óskarsverðlaun sem besti karlleikarinn í aðalhlutverki fyrir myndina King Richard. Hver er þessi „King Richard“ sem Smith lék?

7.  En hver fékk Óskar fyrir bestu frammistöðu í aðalhlutverki kvenna fyrir hlutverk sitt í The Eyes of Tammy Faye?

8.  Sturnus Vulgaris er nafn fugls eins á latínu. Þessi fugl hóf að verpa við Hornafjörð um 1940 en hefur nú dreifst um allt land og er til dæmis gríðarlega algengur á höfuðborgarsvæðinu. Nokkuð var hann umdeildur í byrjun en flestir kunna núorðið ágætlega við hann. Hvað nefnist Sturnus Vulgaris á íslensku?

9.  Hvað eru þeir Dewey, Huey og Louie kallaðir á Íslandi?

10.  Um hvaða borg var setið í 872 daga í síðari heimsstyrjöldinni?

***

Seinni aukaspurning:

Þessi mynd var tekin í París árið 1930. Þið fáið stig ef þið getið bent á EINN karl á myndinni með nafni. En ef þið þekkið TVO, þá fáiði sérstakt Vinstribakkastig!

***

Svör við aðalspurningum:

1.  Ágústus.

2.  Ráðgjafi.

3.  Á Grænlandi.

4.  Drap John F. Kennedy Bandaríkjaforseta.

5.  Gestapo.

6.  Faðir tennisstjarnanna Serenu og Venus Williams.

7.  Jessica Chastain.

8.  Starri.

9.  Ripp, Rapp og Rupp.

10.  Leningrad.

***

Svör við aðalspurningum:

Á efri myndinni er Jada Pinkett Smith. Eins og oftast þegar um útlendinga er að ræða, þá dugir eftirnafnið.

Á neðri myndinni munu flestir þekkja Salvador Dali í miðið í neðri röðinni.

Dali árið 1930

Þetta eru helstu forsprakkar súrrealista (í víðum skilningi) — frá vinstri Tristan Tzara, Paul Eluard, André Breton, Hans Arp, Dali, Yves Tanguy, Max Ernst, René Crevel og Man Ray.