Hver teiknaði skopmyndina hér að ofan?

***

Aðalspurningar:

1.  Hver sendi frá sér plötuna Fisherman's Woman árið 2005, síðan Me and Armini 2008 og þá Tookah 2013?

2.  Hvað fékkst Houdini við í lífinu? Svarið þarf að vera þokkalega nákvæmt.

3.  Hvaða ríki Evrópusambandsins er austast?

4.  Undan ströndum hvaða þéttbýlisstaðar er Akurey? Hér koma raunar tveir til álita en spurt er um þann fjölmennari.

5.  Hvað heitir nesið sem elsti hluti Kópavogs stendur á?

6.  Í hvaða landi er höfuðborgin Prag?

7.  Anna Björnsdóttir lék stórt hlutverk í kvikmyndinni vinsælu Með allt á hreinu. Hvaða hlutverk lék hún? Athugið að þið þurfið ekki að muna nafn persónunnar heldur einungis hvaða starfi persóna Önnu gegndi lengst af í myndinni. Þeir sem muna nafnið á persónunni fá aftur á móti sérstakt Með-allt-á-hreinu-stig! 

8.  Hvað hét „svarti víkingurinn“ sem Bergsveinn Birgisson skrifaði um rómaða bók?

9.  Hvern hefur Bergsveinn sakað um að hafa fengið hugmyndir að láni úr bók sinni án þess að geta heimilda í nokkru?

10.  Bahrain, Sádi-Arabía, Ástralía, Ítalía, Bandaríkin, Spánn, Monaco, Aserbædjan, Kanada, Bretland, Austurríki, Frakkland, Ungverjaland, Belgía, Holland, Ítalía aftur, Singapúr, Japan, Bandaríkin öðru sinni, Mexíkó, Brasilía, Abú Dabí. — Hvað mun fara fram — og í þessari röð — í þessum löndum á árinu 2022?

***

Seinni aukaspurning:

Hver teiknaði skopmyndina hér að neðan?

***

Svör við aðalspurningum:

1.  Emiliana Torrini.

2.  Hann var töframaður en sérgrein hans var að leysa sig úr hlekkjum og böndum, brjótast út úr skápum og þess háttar.

3.  Kýpur.

4.  Reykjavík.

5.  Kársnes.

6.  Tékkland.

7.  Persóna Önnu er umboðsmaður Gæranna/Grýlanna. Og hún heitir Hekla.  

8.  Geirmundur heljarskinn.

9.  Ásgeir Jónsson Seðlabankastjóra.

10.  Þetta eru keppnislöndin í Formúlu 1-kappakstrinum í ár.

***

Svör við aukaspurningum:

Lóa Hjálmtýsdóttir teiknaði efri myndina.

Hugleikur Dagsson teiknaði neðri myndina.