Stafrænum kynferðisbrotum fer fjölgandi að sögn Maríu Rúnar Bjarnadóttur, verkefnastjóra gegn stafrænu kynferðisofbeldi hjá Ríkislögreglustjóra, og hvað börn varðar segir hún brotunum ekki aðeins hafa fjölgað heldur hafi orðið „sprenging“ í aukningu. Flestir þolendur slíkra brota eru að sögn hennar konur og stúlkur en í því samhengi segir María augljóst að kvenfyrirlitning, hvort sem hún eigi sér stað á internetinu eða ekki, sé bensínið sem drífi stafrænt kynferðisofbeldi áfram.

Stafræn kynferðisbrot hafa verið ólögleg og því refsiverð frá því í febrúar 2021 þegar Alþingi samþykkti frumvarp Áslaugar Örnu Sigurbjörnsdóttur, þáverandi dómsmálaráðherra, um breytingu á almennum hegningarlögum sem myndi ná yfir brot á kynferðislegri friðhelgi og gera meðal annars dreifingu á kynferðislegum myndum af öðrum án samþykkis refsiverða, hvort sem það væri gert af gáleysi eður ei. 

Laga þarf kerfiðMaría segir að þolendur beri ekki traust til kerfisins og því þurfi að laga kerfið því ekki megi setja meira á …