Fyrri aukaspurning:

Hver er karlinn hér til vinstri? Þið fáið jafnframt STASI-stig ef þið vitið hvað hinn heitir?

****

Aðalspurningar:

1. Á BSÍ í Reykjavík er nú endastöð fyrir flugrútu og ýmsar aðrar samgöngur. En hvað þýðir skammstöfunin BSÍ?

2.  Hversu löng skyldi vera leiðin frá BSÍ og út að flugstöðinni á Miðnesheiði? Eru það 37 kílómetrar, 47 kílómetrar, 57 kílómetrar, 67 kílómetrar eða 77 kílómetrar?

3.  Og flugstöðin sú arna, eftir hverjum heitir hún?

4.  Hvað hét geysivinsæll sjónvarpsþáttur Hermanns Gunnarssonar á sínum tíma?

5.  Hvað nefndist sú fleðulega gella sem þar birtist einlægt með gassagangi nokkrum?

6.  Og hver fór með það hlutverk?

7.  Hvaða fjölmenna Asíuland ætlar að reisa sér nýja höfuðborg á næstu árum?

8.  Hvaða fjölmenna Suður-Ameríkuland gerði einmitt það fyrir um 60 árum — reisti nýja höfuðborg og flutti þangað alla stjórnsýslu sína?

9.  Þann 17. júní 1976 voru 17 Íslendingar sæmdir hinni íslensku fálkaorðu. Þar af voru átta manns sem gegndu allir sama starfinu undir sama hatti, þótt á ögn mismunandi vettvangi væri. Þessir menn höfðu þótt vinna sín verk af slíkri prýði síðustu fjögur árin að þeir máttu heita þjóðhetjur, þótt sumir þeirra væru vissulega frægari en aðrir. Hvaða karlar voru þetta?  

10.  Inn úr hvaða firði gengur Djúpavík á Ströndum?

***

Seinni aukaspurning:

Hver er konan?

***

Svör við aðalspurningum:

1.  Bifreiðastöð Íslands.

2.  47 kílómetrar.

3.  Leifi Eiríkssyni.

4.  Á tali með Hemma Gunn.

5.  Elsa Lund.

6.  Laddi.

7.  Indónesía.

8.  Brasilía.

9.  Skipherrar Landhelgisgæslunnar sem fengu orðuna fyrir frammistöðu sína í þorskastríðum við Breta.

10.  Reykjafirði.

***

Svör við aukaspurningum:

Karlinn á efri myndinni — sá til vinstri — er Gorbatsjov. Sá til hægri er Erich Honecker leiðtogi Austur-Þýskalands.

Konan á neðri myndinni er Björk.