Fyrri aukaspurning:

Hvað heitir hljómsveitin sem hér leikur og syngur?

***

Aðalspurningar:

1.  Í hvaða landi er borgin Gdansk?

2.  Kona ein hét Maria Anna Walburga Ignatia og svo vantar eftirnafnið. Hún fæddist 1751 og snemma kom í ljós að hún var afar flinkur músíkant. Hún var hljóðfæraleikari en líka tónskáld, þótt engin verka hennar hafi varðveist. Þó hafa komið fram hugmyndir um að einhver af æskuverkum bróður hennar kunni að hafa verið samin að einhverju leyti af henni, en um það verður ekki sagt. Altént er ljóst að þegar árin liðu skyggði þessi yngri bróðir hennar rækilega á hana, og hún dró sig í hlé sem tónlistarmaður. Hvað var ættarnafn þeirra systkina?

3.  Í hvaða Evrópulandi er stærstur hluti hinna svonefndu Karpatafjalla?

4.  Árið 1975 kom tónlistarmaður nokkur fram í viðtali og lýsti því yfir að hann væri samkynhneigður en það hafði enginn Íslendingur gert áður. Hver var maðurinn?

5.  En í hvaða fjölmiðli birtist viðtalið?

6.  Hver sagði af sér starfi formanns verkalýðsfélags um mánaðamótin október-nóvember á síðasta ári?

7.  Hvaða glysgjarna stúlka (með vandlega greiddan topp) er það sem gengur einlægt með vænan gullhring á fæti — en er reyndar að öðru leyti óklædd með öllu, enda nokkuð loðin?

8.  Fyrsta sérstaka þjóðaratkvæðagreiðslan á Íslandi, sem snerist um annað en kosningar til þings, fór fram 1908.  Um hvað snerist hún? Svo megiði sæma ykkur lárviðarstigi ef þið vitið um hvað sú næsta snerist, en sú atkvæðagreiðsla fór fram 1916.

9.  Árið 2004 stóð til að halda þjóðaratkvæðagreiðslu um tiltekin lög, en ríkisstjórnin dró þá lögin til baka og lagði af atkvæðagreiðsluna. Um hvað snerust hin umdeildu lög?

10.  Síðasta þjóðaratkvæðagreiðslan af þessu tagi sem haldin hefur verið fór fram 2012. Um hvað snerist hún?

***

Seinni aukaspurning:

Hér að neðan má sjá frægan fótboltakappa meðan hann lék með enska liðinu Arsenal árið 1946. Hver var hann?

***

Svör við aðalspurningum:

1.  Póllandi.

2.  Mozart.

3.  Rúmeníu.

4.  Hörður Torfason.

5.  Samúel.

6.  Sólveig Anna Jónsdóttir.

7.  Snorkstelpan úr Múmíndal.

8.  Áfengisbann. Og lárviðarstigið fæst fyrir að vita að þjóðarkvæðagreiðslan næsta snerist um hvort taka skyldi upp þegnskylduvinnu.

9.  Fjölmiðla.

10.  Stjórnarskrártillögu stjórnlagaráðs.

***

Svör við aukaspurningum:

Á efri myndinni er hljómsveitin Grýlurnar. En þar sem hljómsveitin var þarna að leika í bíómyndinni Með allt á hreinu, þar sem hún nefndist Gærurnar, þá gef ég rétt fyrir Gærurnar líka.

Á neðri myndinni er Albert Guðmundsson.