Ólöf Helga Adolfs­dóttir, vara­for­maður Eflingar, býður sig fram til for­manns í stétt­ar­fé­lag­inu. Þetta kemur fram í til­kynn­ingu frá henni. Í sam­tali við Stundina lýsir Agnieszka Ewa Ziólkowska, núver­andi for­maður Eflingar, yfir stuðn­ingi við fram­boð Ólafar Helgu. Sjálf vill hún aftur verða vara­for­maður Eflingar. „Ég mun stíga niður í vara­for­manns­stól­inn og ég lýsi fullum stuðn­ingi við fram­boð Ólafar af því við erum frá­bært teymi. Ég er mjög bjart­sýn gagn­vart þessu,“ segir Agnieszka við Stundina. 

HættiSólveig Anna Jóns­dóttir sagði af sér sem for­maður Eflingar á síð­asta ári.

Mynd: Heiða Helga­dóttir

Kosið verður í emb­ættið í febr­úar næst­kom­andi, fyrr en áætlað var vegna óvæntrar afsagnar Sól­veigar Önnu Jóns­dóttur á síð­asta ári. Gera má ráð fyrir að átök verði á vinnu­mark­aði á kom­andi mán­uðum en lífs­kjara­samn­ing­ur­inn svo­kall­aði rennur út á árinu. Ólöf Helga segir í til­kynn­ingu sinni að hún vilji leiða við­ræður um nýja kjara­samn­inga ásamt stjórn, samn­inga­nefnd og kjara­ráði. 

„Ég vil leggja mitt af mörkum til að styrkja stöðu trún­að­ar­manna og efla þá í starfi.  Ég vil halda áfram því öfl­uga starfi sem Efling hefur unnið að síð­ustu ár og lýtur m.a. að þjón­ustu við erlenda félags­menn og þátt­töku þeirra í starfi hreyf­ing­ar­innar. Ég vil takast á við vanda ungs fólks á vinnu­mark­aði og þeirra sem eru utan náms og vinnu af fullum þunga. Síðast en ekki síst vil ég vinna að því ásamt stjórn og skrif­stofu að efla þjón­ustu við félags­menn enn frekar, byggja upp fræðslu­starf, auka lýð­ræði innan félags­ins og tryggja aðgengi félaga að upp­lýs­ingum um starf­semi Eflingar,“ segir hún enn­fremur. 

Ólöf Helga hefur setið í stjórn Eflingar frá árinu 2019 og sem vara­for­maður und­an­farna mán­uði. Hún og stétt­ar­fé­lagið hafa staðið í deilum við Icelandair eftir að henni var sagt upp sem hlaðmanni á Reykja­vík­ur­flug­velli á meðan hún var trún­að­ar­maður Eflingar á vinnu­staðnum. 

„Það er erfitt að missa vinn­una og fram­færsl­una, ekki síst fyrir okkur sem höfum ein­göngu starfað í lág­launa­störfum og eigum því ekki borð fyrir báru þegar í harð­bakk­ann slær. En það er líka sárt að vera vísað á dyr af óljósum ástæðum, sem virð­ast ekki vera aðrar en þær að ég sinnti hlut­verki trún­að­ar­manns af alúð á tímum þar sem vegið var að kjörum og rétt­indum starfs­fólks. Við þessar aðstæður átti ég skjól hjá mínu stétt­ar­fé­lagi sem reis upp mér til varnar. Ég þekki því af eigin raun hversu mik­il­væg öflug og skipu­lögð verka­lýðs­hreyf­ingin er  launa­fólki and­spænis ægi­valdi fyr­ir­tækja og sam­taka atvinnu­rek­enda,“ segir hún í til­kynn­ingu sinni.