Fyrri aukaspurning:

Hvaða konu má sjá á myndinni hér að ofan?

***

Aðalspurningar:

1.  Algengt er að þingmenn séu sóttir á fjölmiðla. Hver var reyndasti fjölmiðlamaðurinn sem settist í fyrsta sinn á þing nú eftir síðustu kosningar?

2.  Mun fátíðara er að kunnir íþróttamenn setjist á þing. Á þingi nú situr þó einn fyrrverandi þjálfari bæði handbolta- og fótboltaliða. Hver er sá?

3.  Í hvaða landi er hafnarborgin Alexandría?

4.  Í hvaða landi er súsjí upprunnið?

5.  Árið 1598 eru til fyrstu skráðu heimildirnar um fuglategund eina sem bjó á afskekktri eyju. Árið 1662 voru sjómenn búnir að útrýma fuglinum gersamlega. Hvað er fuglategund þessi nefnd?

6.  En á hvaða eyju — og hvergi annars staðar — bjó fuglinn?

7.  Hver leikstýrði kvikmyndinni Vertigo árið 1958?

8.  Gemma Chan heitir bresk leikkona, tæplega fertug, og ættuð frá Hong Kong. Hún leikur eitt helsta hlutverkið — Sersi — í einni af vinsælustu kvikmyndum ársins 2021. Hvað heitir sú mynd?

9.  Árið 1844 gerðist í Reykjavík merkilegur atburður, því þá var endurreist þar stofnun sem hafði legið í láginni í tæpa hálfa öld. Hvaða stofnun var það?

10.  Hvaða tónlistarmaður gaf út fyrstu stóru plötu sína árið 2003 og hét sú Dangerously in Love? Áður hafði tónlistarmaðurinn verið hluti af mjög vinsælu tríói.

***

Seinni aukaspurning:

Hvaða fugl er þetta?

***

Svör við aðalspurningum:

1.  Sigmar Guðmundsson.

2.  Willum Þór.

3.  Egiftalandi

4.  Japan.

5.  Dódó-fuglinn.

6.  Máritíus.

7.  Hitchcock.

8.  Eternals.

9.  Alþingi.

10.  Beyoncé.

***

Svör við aukaspurningum:

Á efri myndinni er söngkonan Andrea Gylfadóttir.

Á neðri myndinni er jaðrakan.