Engin leið var fyrir lög­regl­una að kom­ast að nið­ur­stöðu um hvort ein­her hafi átt við kjör­gögn í Norð­vest­ur­kjör­dæmi eftir að taln­inga­fólk lauk vinnu sinni og yfir­gaf taln­ing­ar­stað að morgni 26. sept­em­ber. Í rann­sókn lög­reglu var hins vegar stað­fest að ferðir inn í sal­inn voru á annan tug en ekki er getið til um hversu margir starfs­menn fóru þar inn á meðan kjör­gögn lágu óinn­sigluð. Þrír þeirra tóku myndir af eft­ir­lits­lausum seðl­unum.

Eft­ir­lits­mynda­vélar á hót­el­inu eru stað­settar fyrir utan sjálfan taln­ing­ar­sal­inn. Vegna þess hvernig sjón­ar­horn þeirra er hverfur starfs­fólkið annað slagið úr sjón­ar­sviði eft­ir­lits­mynda­vél­anna. Tíminn sem fólkið er inni í salnum og ekki í mynd er frá því að vera í nokkrar sek­úndur upp í tvær mín­útur og 25 sek­úndur. Lögregla tók skýrslu af starfs­fólki hót­els­ins sem full­yrða að það hafi ekki átt við gögnin. Þetta herma heim­ildir Stund­ar­innar.

Ingi Tryggva­son, for­maður …