Sig­mundur Davíð Gunn­laugs­son, for­maður Mið­flokks­ins, segir að ástæðu þess að flokk­ur­inn höfði síður til kjós­enda í Reykja­vík vera að „á höf­uð­borg­ar­svæð­inu hefur verið ískyggi­leg vinstri­sveifla, menn eru farnir að tala um Rauðu Reykja­vík“ en hann sé þrátt fyrir það með lausn til þess að bregð­ast við þeirri þróun – að kjósa Mið­flokk­inn. 

Þetta kemur fram í við­tali við Sigmund í Morg­un­blað­inu í dag. Þar segir hann að Mið­flokk­ur­inn geti „hjálpað öðrum flokkum til að koma þeim á rétta braut“ og það sé nú þegar hafið. Þegar hann er beð­inn um dæmi nefnir hann að Sjálf­stæð­is­flokk­ur­inn og Framsókn séu farnir að tala um það „sem við höfum verið að ræða í fjögur ár; skatta­mál, lofts­lags­mál og fleira.“

Taki flokk­arnir ekki við þeirri hjálp muni þeir að mati Sig­mundar halda áfram „póli­tískri eyði­merk­ur­göngu sinni í „woke“ eða vök­ulum rík­is­stjórnum“. Þá segir hann að verk­efnið sé stærra en að hjálpa flokk­unum að ná …