Tekjuhæsta konan ein fárra á listanum

Konur eru í miklum minni­hluta á lista yfir eitt pró­sent tekju­hæstu Íslend­ing­anna fyrir árið 2020. Listinn nær yfir 3125 ein­stak­linga sem, sam­kvæmt álagn­ing­ar­skrá Skatts­ins, höfðu hæstar tekjur að teknu til­liti til bæði launa­tekna og fjár­magnstekna.

Aðeins 524 konur kom­ast á list­ann eða sem nemur 17 pró­sentum. Með öðrum orðum eru aðeins 0,17 pró­sent kvenna á meðal tekju­hæsta 1 pró­sents­ins. 

Á toppnum vegna sameiginlegra tekna

Sú er situr á toppi list­ans er kona að nafni Inga Dóra Sig­urð­ar­dóttir en hún og eig­in­maður hennar, Börkur Arn­við­ar­son, fengu mynd­ar­legan arð út úr dönsku tækni­fyr­ir­tæki sem þau eiga hlut í ásamt sonum sínum tveimur, Unn­steini og Ásgeiri.

Fyr­ir­tækið, sem Börkur tók þátt í að stofna, hefur stór­grætt á COVID-19 far­aldr­inum en það fram­leiðir búnað sem not­aður er til nákvæmra mæl­inga í heil­brigð­is­geir­anum. Meðal ann­ars við þróun á bólu­efnum. Jafnvel þó að fjár­magnstekj­unum sem þau hjónin höfðu árið 2020 sé skipt í tvennt er Inga Dóra enn meðal allra tekju­hæstu Íslend­ing­unum. 

Á toppnumInga Dóra var tekju­hæst Íslend­inga á síð­asta ári vegna tekna sem hún og eig­in­maður hennar, Börkur Arn­við­ar­son, fengu út úr sam­eig­in­legu eign­ar­halds­fé­lagi þeirra í Danmörku.

Þessar miklu fjár­magnstekjur, sem er ástæðan fyrir því að tekju­drottn­ingin fær krúnu sína, eru sam­eign þeirra hjóna. Þau eru bæði skráðir eig­endur að dönsku eign­ar­halds­fé­lagi sem greiddi þeim þessa pen­inga í arð. Fjár­magnstekj­urnar eru hins­vegar aðeins skráðar á hana vegna við­miða skatts­ins um að gjald­færa fjár­magnstekju­skatt á þann ein­stak­ling í hjóna­bandi sem hefur hærri tekjur. Sömu sögu er að segja um aðra sem hafa fjár­magnstekjur; í ein­hverjum til­vikum eru það ekki sér­tekjur þeirra heldur hlut­deild í fjár­magnstekjum hjóna. Stundin miðar þó við upp­lýs­ing­arnar eins og Skatt­ur­inn skráir þær en hafa verður í huga þessa aug­ljósu anna­marka sem eru á gagna­safn­inu. 

Tekjuháu konurnar tekjuhærri

Konurnar sem kom­ast á list­ann eru þó að jafn­aði með hærri heild­ar­árs­tekjur en karl­arnir. Konurnar 524 eru að með­al­tali með 47,7 millj­ónir í árs­tekjur en karl­arnir 46 millj­ónir. Ef heild­ar­tekjur eru skoð­aðar, óháð fjölda ein­stak­linga af hvoru kyni sést hversu mikið meira karl­arnir hafa fengið í sinn hlut. Karl­arnir þén­uðu 120 millj­arða króna á síð­asta ári á meðan tekju­hæstu kon­urnar þén­uðu 25 millj­arða. Munurinn á körlum og konum er því 95 millj­arðar króna. 

En hvaða konur eru þær tekju­hæstu? Engin kona að Ingu Dóru frá­tal­inni kemst á topp tíu list­ann - ekki einu sinni topp 20. 

Efstu konurnar á hátekjulistanum

MYND: HAFNARFJARÐARBÆR / FACEBOOK

2Birna Lofts­dóttir, hlut­hafi í Hval hf, er næst efsta kona á lista og situr í 21. sæti. Bróðir hennar, Kristján Loftsson, sem stýrir Hval hf. er líka á list­anum, bara fimmtán sætum ofar í því sjö­unda. Fjöl­skylda þeirra Krist­jáns og Birnu auðg­að­ist fyrst á rekstri Hvals sem, eins og nafnið gefur til kynna, stund­aði hval­veiðar og vinnslu. Þau áttu líka um ára­bil frysti­togar­ann Venus sem síðar rann í útgerð­ina Granda, sem seinna varð HB Grandi og loks Brim eftir síð­ustu vend­ingar. Árið 2018 seldu þau Birna og Kristján og félög í þeirra eigu í Brimi fyrir 21,7 millj­arða króna.