Elísabet Anna Cochran, graf­ískur hönn­uður til fjöru­tíu ára, mætir korteri of snemma til við­tals á skrif­stofu Stund­ar­innar. Hún er áber­andi vel til höfð í rauð­köflóttri dragt og með tösku sem gerð er úr áföstum opn­urum af gos­dósum. Elísabet var lengi vel í fram­varða­sveit graf­ískra hönn­uða hér á landi, býr yfir ára­tuga reynslu og naut mik­illar vel­gengni í starfi. Hún starf­aði ekki ein­göngu sem hönn­uður heldur einnig sem hönn­un­ar­stjóri, fram­kvæmda­stjóri og eig­andi aug­lýs­inga­stofa. Elísabet er hönn­uður á heims­mæli­kvarða, er marg­verð­launuð og hefur hlotið bæði verð­laun og við­ur­kenn­ingar hér­lendis og á alþjóða­vísu. Sem dæmi hlaut hún fyrst Íslend­inga hin eft­ir­sóttu Clio-verð­laun sem veitt eru í Banda­ríkj­unum ár hvert. 

Þrátt fyrir glæsi­legan feril og við­ur­kenn­ingar er hún ekki auð­fundin í leit­ar­vélum, á ver­ald­ar­vefnum né í síma­skránni. Eftir þó nokkra eft­ir­grennslan og tölvu­póst­sam­skipti við hina ýmsu aðila komst ég í sam­band við Elísa­betu og hún tjáði mér með yfir­vegun í sím­tali að hún hafi …