Lilja Guð­munds­dóttir, starfs­maður á leik­skól­an­um Jörfa í Hæðarg­arði, er ein af tutt­ugu sem greindust með COVID-19 vegna smits sem rakið er til ein­stak­lings sem virti ekki sótt­kví við kom­una til Íslands. Lilja gagn­rýnir þá sem hafa mót­mælt sótt­varn­ar­að­gerðum og von­ast eftir hert­ari aðgerðum á landa­mær­unum.

Hefur áhyggjur af börnunum

Hún segir veik­indi leik­skóla­barn­anna  háal­var­legt mál. Það séu jafn­framt börnin sem eru fremst í huga leik­skóla­starfs­fólks­ins, sem nú telja fimmtán með virk smit. „Mér finnst þetta mjög alvar­leg staða því nú eru börn orðin veik. Við erum að tala um að alla­vega fimm börn séu komin með breska afbrigðið af kór­ónu­veirunni. Það er fimm börnum of mikið. Þetta gerð­ist vegna þess að ein­stak­lingur virti ekki sótt­kví og braut af sér. Það hefði ekki gerst ef hann hefði verið á sótt­varn­ar­hót­eli, eða jafn­vel ef það væru strang­ari við­ur­lög við brotum af …