Jæja, þá er það fyrst hlekkur á þrautina frá í gær. Hér er hann.

***

Fyrri aukaspurning:

Hver gaf öllum vinum sínum karton af Chesterfield í jólagjöf, að minnsta kosti ef eitthvað var að marka þessa auglýsingu?

***

Aðalspurningar:

1.   Hvaða ár kom Coca Cola fyrst á markað: 1886, 1896, 1906 eða 1916?

2.   Í Biblíunni segir meðal annars frá því að Ísraelsmenn voru herleiddir til ... ja, til hvaða borgar voru þeir fluttir?

3.   Í hvaða landi er borgin Turku?

4.   Árið 1986 sendi kvennahljómsveitin Bangles frá sér lag sem varð geysi vinsælt. Það fjallaði um hvernig á að ganga í stíl ... hverra?

5.   Hvaða eyja skiptist í tvennt milli sjálfstæðs ríkis í suðri og svo annars svæðis í norðri sem er í orði kveðnu líka sjálfstætt ríki, en það er þó aðeins eitt annað ríki sem viðurkennir það?

6.   Fyrir hvaða flokk situr Oddný Harðardóttir á Alþingi Íslendinga?

7.   Hver mælti, þegar hart var sótt að honum í Örlygsstaðabardaga: „Og nú vinna smádjöflar á mér?“

8.   Carl Barks hét teiknari einn bandarískur. Hvað var hann frægur fyrir að teikna?

9.   Hver söng lagið Please Don't Hate Me?

10.   Íslensk leikkona fór með töluvert stórt hlutverk í sjónvarpsþáttaröðinni Djöflar Da Vincis eða Da Vinci's Devils árin 2013-2015. Árið 2019 lét hún svo í annarri þáttaröð í útlöndum, sú heitir See. En hvað heitir leikkonan?

***

Seinni aukaspurning:

Hvaða dýr er á myndinni hér að neðan?

***

Svör við aðalspurningum:

1.   1886.

2.   Babýlon.

3.   Finnlandi.

4.   Egifta.

5.   Kýpur.

6.   Samfylkinguna.

7.   Sturla Sighvatsson.

8.   Andrés Önd.

9.   Lay Low.

10.   Hera Hilmar, Hilmarsdóttir.

***

Svör við aukaspurningunum tveim.

Á efri myndinni má líta Ronald Reagan auglýsa sígarettur

Á neðri myndinni er sækýr.

***

Og jæja, þá er það að lokum hlekkur á þrautina frá í gær. Hér er hann.