Þessi grein birtist upphaflega í Stundinni fyrir meira en 3 árum.

Fréttir

Bjarni Benediktsson: Þjóðareign auðlinda „sósíalísk hugmyndafræði“

Fjármála- og efnahagsráðherra segist gera „risastóra málamiðlun“ í stuðningi sínum við hugtakið þjóðareign auðlinda í stjórnarskrárfrumvarpi Katrínar Jakobsdóttur. Slíkt hafi helst þekkst í Sovétríkjunum og hafi „nákvæmlega enga þýðingu haft“. Hann segir þingið ekki bundið af þjóðaratkvæðagreiðslu um stjórnarskrána.

5. febrúar 2021 · 10:45

Bjarni Benediktsson Fjármálaráðherra telur ekki þörf á að breyta stjórnarskránni í grundvallaratriðum.

Steindór Grétar Jónsson

steindor@heimildin.is

Bjarni Bendiktsson, fjármála- og efnhagsráðherra, segist gera „risastóra málamiðlun“ með stuðningi sínum við orðalag um þjóðareign auðlinda í frumvarpi Katrínar Jakobsdóttur forsætisráðherra til breytinga á stjórnarskrá.

Umræður um málið fóru fram á Alþingi á miðvikudag. Í ræðu sinni ítrekaði Bjarni að hann teldi ekki þörf á grundvallarbreytingum á stjórnarskránni og að þingið væri ekki bundið af þjóðaratkvæðagreiðslu sem fram fór um tillögur Stjórnlagaráðs að nýrri stjórnarskrá. Vilji hann frekar ná sátt um ákveðin atriði sem Katrín hefur nú lagt fram í formi þingmannafrumvarps.

Þegar Bjarni ræddi auðlindaákvæði frumvarpsins gerði hann lítið úr athugasemdum þingmanna um hugsanlegt varanlegt framsal á náttúruauðlindum og vísaði í dómafordæmi. „Eina athugasemdin sem ég verð að gera og risastóra málamiðlunin sem að í raun og veru fellst í því að taka það til greina að styðja svona ákvæði er hugtakið þjóðareign,“ sagði Bjarni. „Sem er þá nýtt í stjórnarskrá og þarf að skilgreina upp á nýtt. Og Feneyjanefndin hefur brugðist við og spurt hvert eruði að fara með þessu nýja hugtaki? Hvað stendur til? Að búa til eitthvert nýtt eignarréttarlegt fyrirbæri sem hvað? Hver er tilgangurinn?“

Vísaði hann þar í athugasemdir sem óskað var eftir frá svokallaðri Feneyjanefnd, ráðgjafanefnd Evrópuráðsins um stjórnskipunarmál, þar sem fram kom að skýra þyrfti hugtakið betur og tengsl þess við hefðbundinn eignarrétt.

„Þetta er að þessu leytinu til töluvert sósíalísk hugmyndafræði“

„Í sögulegu samhengi hefur þjóðareign eða eignir sem eru lýstar eign þjóðarinnar í öðrum stjórnarskrám, þær stjórnarskrár hafa almennt verið til dæmis í Sovétríkjunum og öðrum slíkum ríkjum sem hafa á endanum molnað niður og þessi ákvæði hafa nákvæmlega enga þýðingu haft,“ bætti Bjarni við. „Þetta er að þessu leytinu til töluvert sósíalísk hugmyndafræði með einhverju nýju íslensku afbrigði í greinargerð. Í greinargerðinni er sagt að þetta hafi ekki neina aðra þýðingu en sem almenn stefnuyfirlýsing og undirstriki heimildir löggjafans til að fara með fullt forræði yfir nýtingunni. Ég verð bara einfaldlega að láta þetta fljóta með sem almenna athugasemd um þetta.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

ViðtalVindorka á Íslandi

Hræðilega sorglegt og rangt

Það vaknar alltaf sorg í brjósti Line Harbak er hún fer upp á bæjarfjallið sitt. Þar sem hún fann áður fyrir frelsi hefur verið reist vindorkuver sem nú gnæfir yfir húsið hennar. „Hann var enn heitur,“ segir Line um haförn sem fannst eftir að hafa lent í spöðunum, missti vænginn og dó. Hún tók hann í fangið og bar heim.

Fréttir

Flokkur fólksins ekki haldið aðalfund í fimm ár

Flokkur fólksins ber með sér fjölmörg einkenni lýðhyggjuflokks, eða popúlisma. Flokkurinn hefur aðeins haldið tvo aðalfundi frá stofnun árið 2017 og Inga Sæland er eini skráði eigandi flokksins, ólíkt öðrum stjórnmálaöflum.

Saga

Valkyrjustjórnin? Tja, hverjar voru valkyrjur í raun og veru?

Er ástæða til að kenna hugsanlega ríkisstjórn Samfylkingar, Viðreisnar og Flokks fólksins við valkyrjur, þótt formennirnir séu konur?

Fréttir

Efling segir gervistéttarfélag notað til að svíkja starfsfólk

Efling segir stéttarfélagið Virðingu vera gervistéttarfélag sem sé nýtt til að skerða laun og réttindi starfsfólks í veitingageiranum. Trúnaðarmenn af vinnustöðum Eflingarfélaga fóru á þriðjudag í heimsóknir á veitingastaði á höfuðborgarsvæðinu og dreifðu bæklingum þar sem varað var við SVEIT og Virðingu.

Vísbending

Indriði Þorláksson

Hagvöxtur, samneysla, siðað samfélag og skattapólitík

Skattapólitík er ekki vinsæl og allra síst í kosningabaráttu. En hún er nauðsynleg og alvöru stjórnmálamenn veigra sér ekki við umræðuna. Hinir eru óábyrgir sem boða einfaldar lausnir eins og að lækkun skatta geti aukið tekjuöflun. Þannig pólitík ógnar jafnvægi efnahagsmála.

Aðsent

Guðrún Schmidt

Gnægtaborð alls heimsins heima hjá mér

Fræðslustjóri Landverndar skrifar um hvernig eftirspurn vestrænna ríkja eftir jarðarberju, bláberjum, avókadó og mangó hafi stóraukið þaulræktun á þessum matvörum með töluverðar neikvæðar afleiðingar fyrir náttúru á framleiðslusvæðunum. Við bætist brot á mannréttindum verkafólks sem oft verða að þrælum nútímans.

Mest lesið

Mest lesið í vikunni

Vindorkumál

Ný ógn við haförninn rís á Íslandi

Hafernir falla blóðugir og vængjalausir til jarðar í vindorkuverum Noregs sem mörg hver voru reist í og við búsvæði þeirra og helstu flugleiðir. Hættan var þekkt áður en verin risu og nú súpa Norðmenn seyðið af því. Sagan gæti endurtekið sig á Íslandi því mörg þeirra fjörutíu vindorkuvera sem áformað er að reisa hér yrðu á slóðum hafarna. Þessara stórvöxnu ránfugla sem ómæld vinna hefur farið í að vernda í heila öld.

Vettvangur

Kosningavaka Miðflokksins: Ungir karlmenn, MAGA og fyrstu tölur

Blaðamaður Heimildarinnar var viðstaddur kosningavöku Miðflokksins í Valsheimilinu í gærkvöldi. Þar var saman kominn mikill fjöldi ungmenna, einkum karlkyns. „Ég veit ekki hvort að Sigmundur Davíð er anti-establisment, en ég trúi því að hann ætli aðeins að hrista upp í hlutunum,“ sagði einn gesturinn, sem bar rauða MAGA-derhúfu.

ViðtalVindorka á Íslandi

Hræðilega sorglegt og rangt

Pistill

Jón Trausti Reynisson

Val og vandi Þorgerðar Katrínar

Þorgerður Katrín Gunnarsdóttir í Viðreisn er í dag hornsteinninn í íslenskum stjórnmálum. Hún getur í dag myndað draumaríkisstjórn hægri manna, en það getur markað fráfall flokksins hennar.

ViðtalVindorka á Íslandi

„Ég kæri mig ekki um að sveitin mín sé eyðilögð“

Í sjö ár hefur Steinunn M. Sigurbjörnsdóttir háð margar orrustur í baráttu sinni gegn vindmyllum sem til stendur að reisa allt umhverfis sveitina hennar. Hún hefur tapað þeim öllum. „Ég er ekki búin að ákveða hvort ég hlekki mig við jarðýturnar, það fer eftir því hvað ég verð orðin gömul,” segir hún glettnislega. En þó með votti af alvöru. Hún ætli að minnsta kosti ekki að sitja hjá og „horfa á þetta gerast”.

ÚttektAlþingiskosningar 2024

Fólkið sem nær kjöri - samkvæmt þingmannaspá

Þingmannaspá dr. Baldurs Héðinssonar og Heimildarinnar byggir á fylgi framboða á landsvísu í nýjustu kosningaspá Heimildarinnar, auk þess sem tillit er tekið til styrks framboða í mismunandi kjördæmum. Framkvæmdar eru 100 þúsund sýndarkosningar þar sem flökt er á fylgi og fyrir hverja niðurstöðu er þingsætum úthlutað, kjördæma- og jöfnunarþingsætum.

Mest lesið í mánuðinum

Afhjúpun

Leyniupptaka lýsir vinargreiða og hrossakaupum Bjarna og Jóns

Sonur og viðskiptafélagi Jóns Gunnarssonar þingmanns fullyrðir í upptökum sem teknar voru af manni sem sagðist vera fjárfestir að Jón hafi samþykkt beiðni Bjarna Benediktssonar um að þiggja sæti á lista gegn því að Jón komist í aðstöðu til veita veiðileyfi til Hvals hf. Það verði arfleifð Jóns að tryggja Kristjáni Loftssyni nánum vini sínum leyfið. Það sé hins vegar eitthvað sem eigi að fara leynt.

Viðtal

„Hann sagðist ekki geta meir“

„Ég gat ekki bjargað barnabarninu mínu. En ef það verður til þess að ég geti kannski bjargað einhverjum, þó ekki nema einu barni, þá vil ég segja sögu okkar,“ segir Þórhildur Helga Þorleifsdóttir kennsluráðgjafi. Sonarsonur hennar, Patrekur Jóhann Kjartansson Eberl, fannst látinn miðvikudaginn 12. maí 2021, aðeins fimmtán ára gamall. Hann hafði svipt sig lífi.

Fréttir

Þórdís Kolbrún afskrifaði Gunnar Smára á opnum fundi

Gunnar Smári Egilsson, frambjóðandi Sósíalista, segir mestu ógn Íslendinga vera að styðja Úkraínumenn gegn innrás Rússa og fullyrðir að „vel mætti enda stríðið“. Þórdís Kolbrún Reykfjörð Gylfadóttir brást illa við hugmyndum hans.

FréttirKynferðisbrot

Myndir af neyðarmóttöku sendar áfram: „Ekki myndir sem ég vildi sjá af sjálfri mér“

Lögreglu var heimilt að senda myndir sem teknar voru af Guðnýju S. Bjarnadóttur á neyðarmóttöku fyrir þolendur kynferðisofbeldis á verjanda manns sem hún kærði fyrir nauðgun. Þetta er niðurstaða Persónuverndar. Guðný segir ótækt að gerendur í kynferðisafbrotamálum geti með þessum hætti fengið aðgang að viðkvæmum myndum af þolendum. „Þetta er bara stafrænt kynferðisofbeldi af hendi lögreglunnar.“

Viðtal

Mögulegt að hætta að vinna um fimmtugt

Georg Lúðvíksson, sem hefur unnið við heimilisfjármál og fjármálaráðgjöf um árabil, segir að með reglulegum sprnaði frá þrítugu geti meðaltekjufólk hætt að vinna um fimmtugt, en það fari þó eftir aðstæðum. Ef spara á til langs tíma þá hafi það sögulega reynst best að fjárfesta í vel dreifðu verðbréfasafni. Grundvallarreglan er einfaldlega að eyða minna en maður aflar.

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.