Læknar í Banda­ríkj­unum, Bret­landi, Spáni og víðar segj­ast hafa greint tugi til­fella þar sem geð­rof virð­ist með beinum hætti vera rakið til Covid-19 sýk­ingar. Meðal þeirra sem fyrst vöktu athygli á þessu voru geð­læknar við South Oaks spít­al­ann í New York í Banda­ríkj­unum. Spít­al­inn byrj­aði snemma að gefa Covid-sjúk­lingum kost á sál­fræði­með­ferð til að takast á við streitu og hræðslu sem margir upp­lifa. 

Hisam Goueli, læknir við spít­al­ann, seg­ist í sam­tali við New York Times fyrst hafa veitt því athygli í vor að nokkrir sjúk­lingar end­uðu í alvar­legu geð­rofi. „Þegar ég sá fyrsta til­fellið hugs­aði ég með mér að mögu­lega væri teng­ing á milli geð­rofs og kór­óna­veirunnar en margt annað gæti komið til. Svo sá ég annað, þriðja og fjórða til­fellið á skömmum tíma. Þá vissum við að eitt­hvað væri að ger­ast,“ segir Goueli.

Fólkið upp­lifði skelfi­legar ofsjónir og heyrðu sumir þeirra raddir sem skip­uðu þeim að skaða sig og …