Streymi Upplýsingafundir um Covid-19

Upplýsingafundur Almannavarna - Nýr stofn veirunnar komst inn í landið

Tveir nýir stofnar Covid-19 veirunnar hafa fundist hér á landi síðustu daga, sem ollu hópsýkingum. Ekki hefur verið hægt að rekja uppruna og smitleiðir annars stofnsins. Landlæknisembættið hefur hafið rannsókn á hópsýkingunni á Landakoti.

Deila

Efnisorð

Covid-19

Ritstjórn

Tveir nýir stofnar Covid-19 veirunnar hafa fundist hér á landi síðustu daga. Þeir ollu báðir hópsýkingum á vinnustöðum. Hægt hefur verið að rekja annan þeirra til landamæranna en hinn hefur komist inn í landið án þess að hægt sé að skýra hvernig það hefur gerst, sagði Þórólfur Guðnason sóttvarnarlæknir á upplýsingafundi Almannavarna í dag.

Lýsingu lokið Nýjasta færsla kl. 11:36

11:36 16. nóvember

Þórólfur hefur áhyggjur af jólunum

Komin er nokkuð góða reynslu á hvað virkar og hvað ekki í baráttu við veiruna hér innanlands. Reynt hefur verið að höfða til fólks með einstaklingsbundnar sóttvarnir en tökin hert ef það virkar ekki. Það er ekki raunhæft að halda að hægt sé að útrýma veirunni hér á landi nema með bóluefni. Því þarf að slaka hægt á takmörkunum og halda áfram á sömu nótum og verið hefur þar til bóluefni kemur, sem Þórólfur segir að hann hafi góðar vonir um að gerist fyrrihluta næsta árs. Hann segist hafa nokkra áhyggjur af jólavertíðinni, að fólk fari þá að slaka of mikið á og hópamyndun geti átt sér stað með ófyrirséðum afleiðingum. Skelfilegt væri að missa faraldurinn út úr höndunum skömmu áður en bóluefni kæmi til sögunnar.

11:28 16. nóvember

Ekki er verið að skoða hvort hægt sé að opna sundlaugar

Þó það komi til greina að sundkennsla barna verði hafin á nýjan leik er ekki verið að kanna hvort hægt sé að opna sundlaugar að nýju fyrir almenning, segir Þórólfur.

11:26 16. nóvember

Mikilvægasta aðgerðin til að koma í veg fyrir að veiran berist til landsins að fella niður valkvæða sóttkví og setja alla í skimun

Þórólfur telur mikilvægt að allir sem komi til landsins fari í skimun, annað hvort með því að það væri gert að skyldu eða með því að gjald yrði fellt niður svo það væri ekki fyrirstaða. Þórólfur hefur lagt til að valkvæð sóttkví verði felld niður en sú tillaga er óafgreidd hjá stjórnvöldum. Þórólgur segist telja að það sé gríðarlega mikilvægt að allt sem hægt sé sé gert til að lágmarka hættu á að veiran berist til landsins. Þetta sé mikilvægasta aðgerðin til þess.

11:18 16. nóvember

Verður grímuskylda áfram nauðsynleg eftir að bóluefni kemur til sögunnar?

Ef við fáum gott, virkt og öruggt bóluefni, þá verður erfitt að viðhalda grímuskyldu. Það fer allt eftir virkni bóluefnisins og þátttöku fólks, að hún verði næg til að hægt verði að ná hjarðónæmi, segir Þórólfur.

11:15 16. nóvember

Rannsókn landlæknis á Landakoti að hefjast

Landlæknisembættið fékk skriflega tilkynningu um hópsýkinguna á Landakoti síðastliðinn fimmtudag, segir Alma. Búið er að setja saman teymi hjá embætti landlæknis sem mun fara yfir málið, en reikna má með því að það taki einhverjar vikur.

11:13 16. nóvember

Megum ekki slaka á

Þó það virðist vera að takast að ná betri tökum á veirufaraldrinum þá megum við alls ekki slaka á og verðum áfram, hvert og eitt, að sinna persónulegum sóttvörnum, segir Alma Möller landlæknir.

11:12 16. nóvember

Smituðum fer fækkandi

Fólki í einangrun, með Covid-19 smit, fer fækkandi og nú eru 340 í einangrun. 693 eru nú í sóttkví og 889 eru í skimunarsóttkví eftir komu til landsins. Kúrfa nýgengis smita er á niðurleið og segir Þórólfur Guðnason sóttvarnarlæknir það að sjálfsögðu mjög ánægjulegt.

11:10 16. nóvember

Tveir nýir stofnar veirunnar fundist

Tveir nýir stofnar veirunnar hafa fundist á síðustu dögum, sem valdið hafa hópsmitum. Annar stofninn hafði fundist við skimun á landamærum en hinn ekki, sem þýðir að sá stofn veirunnar komst inn í landið án þess að það væri uppgötvað.

11:08 16. nóvember

Níu greindust í gær

Níu greindust með Covid-19 í gær og voru sex þeirra í sóttkví. Um 380 sýni voru tekin í gær, færri en virka daga í síðustu viku. 58 liggja inni á Landspítala af völdum Covid-19, þar af 20 með virk smit. Tveir eru á gjörgæslu, báðir í öndunarvél. Á Akureyri er einn sjúklingur á gjörgæslu en ekki í öndunarvél.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Covid-19

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar