En hér kemur svo fyrri aukaspurning:
Hvað er á seyði á myndinni hér að ofan?
Og þá koma 10 af öllu tagi:
1. Á Íslandi er einn þéttbýlisstaður sem ber sama nafn og höfuðstaðurinn í nálægu landi. Hvaða þéttbýlisstaður er það?
2. Hvar í veröldinni eru Atlas-fjöll?
3. Hvað hét hestur Óðins í norrænu goðafræðinni?
4. Lónsfjörður, Álftafjörður og Hamarsfjörður eru þrír ólíkir firðir milli tveggja þéttbýlisstaða á Íslandi. Hverjir eru þeir?
5. Denisovar eru útdauð dýrategund sem enginn hafði hugmynd um fyrr en fyrir einum áratug, þegar fyrstu leifar tegundarinnar fundust. Hver af núlifandi dýrategundum heimsins er skyldust denisovum þessum?
6. Hvað hét fyrsti biskupinn yfir Íslandi?
7. Söngkona ein bandarísk er nýorðin fertug og hefur aldrei verið vinsælli, að sögn. Hún sló í gegn rétt upp úr tvítugu með plöturnar Can't Take Me Home og síðan Missundaztood en í fyrra gaf hún áttundu plötu sína, Hurts 2B Human. Hún heitir Alecia Beth Moore en tók sér snemma nafn einnar persónu úr myndinni Resevoir Dogs eftir Quentin Tartantino. Þið munið hvað allar persónurnar þar hétu? Hvað kallar Alecia Beth Moore sig núna?
8. Untergang hét rómuð kvikmynd sem frumsýnd var 2008 og fjallaði um síðustu sólarhringana í lífi Adolfs Hitlers. Atriði þar sem hann skammar undirmenn sína hefur verið notað í óteljandi grínatriðum á netinu, þar sem nýr texti er settur í stað reiðilesturs Hitlers. Hver lék Hitler í þessari mynd?
9. Eftir að reikistjarnan Plútó var lækkuð í tign og gerð að „dvergreikistjörnu“, hvaða reikistjarna er þá fjærst sólinni?
10. Í hvaða borg er heimavöllur fótboltaliðsins Juventus?
Og þá er það seinni aukaspurning.
Hver málaði þessa mynd?
Þá koma svörin:
1. Þórshöfn, sem heitir sama landi og Þórshöfn í Færeyjum.
2. Í Norður-Afríku - Marokkó, Alsír og Túnis, en Norður-Afríka dugar.
3. Sleipnir.
4. Höfn í Hornafirði og Djúpivogur í Berufirði.
5. Maðurinn.
6. Ísleifur Gissurarson.
7. Pink.
8. Bruno Ganz.
9. Neptúnus.
10. Tórínó.
Á myndinni, er fylgir fyrri aukaspurningu, er gamli maðurinn úr myndinni Börn náttúrunnar eftir Friðrik Þór Friðriksson að draga kistu gömlu konunnar sem hafði náð á sínar heimaslóðir rétt áður en hún dó. Nóg er að fólk þekki að þetta séu úr Börnum náttúrunnar.
Á neðri myndinni er eitt af frægustu verkum bandaríska málarans Jackson Pollocks. Það ber hið skáldlega nafn „Númer 1, 1949“.
Spurningaþrautin
Fyrri grein
117. spurningaþraut: Jón Magnússon, Björn Kristjánsson og Sigurður Jónsson - hvað tengir þessa karla þrjá?
Næsta grein
Athugasemdir