Áður en lengra er haldið, þá leynist hér þrautin frá í gær.

Aukaspurningar:

Á myndinni hér að ofan er bíómyndapersóna sem Brie Larson lék í vinsælli mynd í fyrra. Í sínu daglega lífi heitir persónan Carol Danvers en hvað nefnist þegar hún er komin í þennan skínandi fína og vel saumaða búning?

Á neðri myndinni er brosmild salamandra. Hvað heitir tegundin sem hún er af?

Aðalspurningarnar tíu:

1.   Með hvaða fótboltaliði spilar Portúgalinn Cristiano Ronaldo nú um stundir?

2.   Analía, Hannalísa, Míríel, Marfríður, Vetrarrós og Vinný eru allt góð og gild kvenmannsnöfn á Íslandi með leyfi mannanafnanefndar. Nema eitt. Hverju af þessum nöfnum var hafnað?

3.   Bandaríkjaforsetarnir John Quincey Adams, Rutherford B. Hayes, Benjamin Harrison, George W. Bush og Donald Trump eiga sjálfsagt sitt af hverju sameiginlegt. En hvað blasir þó helst við í sambandi við kjör þeirra til forseta?

4.   Eitt af Apollo-tungförum Bandaríkjanna varð að snúa til baka á leið til tunglsins árið 1970 eftir að sprenging varð um borð. Geimfararnir þrír sluppu heilu og höldnu frá raun þessari. Númer hvað var þetta Apollo-far?

5.   Hver er um þessar mundir langvinsælasta söngkonan í hinum spænskumælandi heimi og reyndar kölluð „drottning latínó-tónlistar“?

6.   Í hvaða frægri skáldsögu er fjallað um Búendía-fjölskylduna?

7.   Árið 2006 naut þýska kvikmyndin Líf annarra - Das Leben der Anderen - mikilla vinsælda. Hún fjallaði á næman og skilningsríkan hátt um vandamál miðaldra karls í starfi sínu. Ulrich Mühe lék þennan mann, en við hvað starfaði maðurinn í biómyndinni?

8.   „Rigningin“ heitir Netflix-sería sem sýnd hefur verið frá 2018 og nú verður senn frumsýnd þriðja og síðasta serían. Hér er um að ræða æsilega „dystópíu“ eða skelfingarlýsingu úr framtíðinni þar sem saklaus rigning ber með sér bráðdrepandi veirur. Í hvaða landi er þessi sería gerð?

9.   Í hvaða landi er höfuðborgin Taípei?

10.   Carl Linneus eða von Linné var náttúrufræðingur á 18. öld sem þróaði kerfi til að skipta lífverum í flokka og gaf þeirra latnesk nöfn sem síðan hefur viðgengist í þessum bransa. Hverrar þjóðar var hann?

Þá eru hér svörin við almennu spurningunum tíu:

1.   Juventus á Ítalíu.

2.   Hannalísa.

3.   Þeir komust allir til valda þótt þeir hefðu færri atkvæði en keppinautar þeirra.

4.   13.

5.   Shakira.

6.   Hundrað ára einsemd eftir Gabriel García Márquez.

7.   Hann var hlerunarmaður fyrir leyniþjónustuna Stasi.

8.   Danmörku.

9.   Taívan.

10.   Sænskur.

Aukaspurningar:

Persónan kallast Kafteinn Marvel.

Salamandran er af tegundinni axolotl. Já - „axolotl“ og ekkert annað! Samkvæmt kerfinu sem von Linné var upphafsmaður að heitir hún reyndar Ambystoma mexicanum.

Og að lokum er hér aftur linkur á þrautina frá í gær.