Hér er 105. þrautin frá í gær.

Aukaspurningar:

Á efri myndinni, hver er maðurinn sem ávarpar þarna auðan stól?

Og á neðri myndinni: Hver er konan?

En aðalspurningar koma hér:

1.   Í tilefni af myndinni af manninum að ávarpa stól, þá gerist það í einu leikriti Shakespeares að maður ávarpar stól af því hann telur sig sjá í stólnum draug manns sem hann hafði látið myrða. Í hvaða leikriti gerist þetta?

2.   Hvaða ríki í veröldinni hefur lengstu strandlengjuna?

3.   Langsamlega hæsti neðansjávarfoss í heimi er um 3,5 kílómetra hár. Hann myndast þannig að tveir sjávarstraumar, annar hlýr og hinn kaldur, mætast á fremur afmörkuðu svæði sem veldur því að kaldi sjórinn sekkur niður á við á mikilli ferð, rétt eins og vatn fossar niður af hamrabrún á þurru landi. En hvar er þessi gríðarhái foss?

4.   En í hvaða landi er annars hæsti fossinn á landi, Englafoss (réttara er þó einfaldlega Angelfoss), sem er 979 metra á hæð eða ívið hærri en Esjan?

5.   Hver af guðspjallamönnunum fjórum er talinn hafa samið líka Postulasöguna?

6.   Hvar er höfði sá sem kallast á íslensku Hvarf en kallast Cape Farewell á ensku og eitthvað svipað á flestum öðrum málum?

7.   Árið 1975 var kona nokkur veifandi skammbyssu handtekin þegar hún reyndi að nálgast Gerald Ford þáverandi Bandaríkjaforseta. Hún var dæmd í lífstíðarfangelsi fyrir morðtilræði en látin laus árið 2009. Morðtilræðið við Ford gat hún aldrei skýrt að fullu, en hún var félagi í frægum glæpaflokki í Bandaríkjunum. Hvaða hópur var það?

8.   Kaupmannahöfn er langstærsta borg Danmerkur eins og allir vita. En hver er sú næststærsta?

9.   Masako heitir drottning ein. Hvar situr hún í hásæti?

10.   Hver er fjarlægðin milli Reykjavíkur og New York? Hér má skeika 300 kílómetrum til eða frá.

Svör við aðalspurningum:

1.   Makbeð.

2.   Kanada.

3.   Grænlandssundi milli Íslands og Grænlands.

4.   Venesúela.

5.   Lúkas.

6.   Grænlandi.

7.   „Fjölskylda“ Charles Mansons er fræg varð fyrir morð á Sharon Tate og fleirum.

8.   Árósar.

9.   Í Japan.

10.   4.200 kílómetrar, svo rétt má heita allt frá 3.900 til 4.500 kílómetrar.

Svör við aukaspurningum:

Karlinn sem ávarpaði stólinn var Clint Eastwood. Þessi uppákoma varð á flokksþingi Repúblikana í Bandaríkjunum 2012 þar sem Eastwood þóttist með þessum hætti ávarpa Barack Obama forseta.

Konan á neðri myndinni er enska leikkonan Maggie Smith sem kunnust er upp á síðkastið fyrir að leika í Downton Abbey.

Og hér er aptur linkur á þrautina frá í gær.