Hérna er þrautin frá í gær.

Aukaspurningar eru:

Hvað er að gerast á efri myndinni, býsna nákvæmlega?

Hvað kvikmyndaplakat sést (að hluta) á neðri myndinni?

Aðalspurningar tíu:

E1.   Hvað eiga þessir staðir sameiginlegt: Vaivara, Hinzert, Kaiserwald, Mittelbau-Dora og Gross-Rosen?

2.   Geimfarið Von lagði nýlega af stað til Mars. Á ensku er geimfarið kallað Hope en á arabísku مسبار الأمل‎, og það skiptir máli því geimfarið er hið fyrsta sem gert er út af Arabaríki. Hvaða ríki er það?

3.   Hvítá í Árnessýslu á upptök sín í stöðuvatni upp undir Langjökli, þar sem Norðurjökull skríður fram. Hvað heitir stöðuvatnið?

4.   Hvað nefndist ástargyðja Forn-Grikkja?

5.   Það er ógleymanlegt höfundi þessara spurninga að einn af stórköllum Sturlungaaldar átti son sem bar það sérkennilega nafn Órækja. Muna fleiri eftir því hver sá stórkall var?

6.   Kim Kardashian er fræg amerísk sjónvarpsstjarna. Hvað heitir móðir hennar?

7.   En til hvaða þjóðar gat ættfaðirinn Robert Kardashian (faðir Kim) rakið uppruna sinn?

8.   Gwyneth Paltrow heitir amerísk leikkona. Hún fékk einu sinni Óskarsverðlaun fyrir leik í aðalhlutverki eftir að hafa slegið í gegn árið 1998 í myndinni ... tja, hvaða mynd?

9.   Kiri Te Kanawa er óperusöngkona og var í allra fremstu röð fyrir ekki svo löngu. Frá hvaða landi er hún?

10.   Sveinn Ólafur Gunnarsson fékk Grímuverðlaun fyrir bestan leik í aðalhlutverki karla nú fyrir skemmstu. Hann lék í sýningu sem leikhópurinn Óskabörn ógæfunnar setti upp í Tjarnarbíó. Hvað hét leikritið?

1.   Þetta voru allt fangabúðir á vegum þýskra nasista í síðari heimsstyrjöld, þótt smærri væru í sniðum en stóru útrýmingarbúðirnar.

2.   Sameinuðu arabísku furstadæmin.

3.   Hvítárvatn.

4.   Afródíta.

5.   Snorri Sturluson.

6.   Kris eða Kristen Jenner.

7.   Armena.

8.   Shakespeare in Love.

9.   Nýja-Sjálandi.

10.  Rocky. 

En þá eru það aukaspurningarnar.

Efri myndin er úr teiknimyndasögu sem gerð var eftir sögunni um Moby Dick. Það dugar ekki að segja „hvalveiðar“ heldur verður að nefna Moby Dick, enda er hvalurinn auðsjáanlega hvítur, sjá hér:

Og plakatið, sem sést brot af á neðri myndinni, var gert til að auglýsa myndina Rocky. Sjá hér: