Aukaspurningar:

Hvað heitir konan á myndinni hér að ofan?

Lauf hvaða trjátegundar má sjá á neðri myndinni?

Þá eru það aðalspurningarnar tíu!

1.   Árið 2007 skilaði karl nokkur á Bretlandi doktorsritgerð í stjörnufræði sem nefndist „A Survey of Radial Velocities in the Zodiacal Dust Cloud“. Þetta væri nú ekki í frásögur færandi nema af því karl þessi var, jafnframt stjörnufræðinni, gítarleikari í frægri hljómsveit. Hvað heitir hljómsveitin sú?

2.   Hvað heitir fljótið sem fellur til sjávar þar sem borgin New York rís?

3.   Árið 1916 voru þingkosningar á Íslandi. Í aðdraganda kosninganna bar það til tíðinda að hinn þáverandi Sjálfstæðisflokkur klofnaði og buðu bæði flokksbrotin fram í kosningunum. Í munni kjósenda fengu þau nokkuð undarleg nöfn. Hver voru þau?

4.   Í norður frá Reykjavík séð blasa við þrjú fjöll - Akrafjall, Skarðsheiði og Esjan. Hvert þeirra er hæst?

5.   Osló heitir fjölmennasta borg Noregs og Björgvin eða Bergen sú næstfjölmennasta. En hvaða borg þar í landi er í þriðja sæti?

6.   Fyrirtæki eitt fékk nafn af fræðiheitinu yfir töluna 10,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000,​000, það er að segja 1 með 100 núllum fyrir aftan. Reyndar misrituðu stofnendur fyrirtækisins þetta fræðiheiti en misritunin hefur síðan haldið sér í nafni fyrirtækisins.

7.   „Til eru fræ sem fengu þennan dóm ...“ Hvaða dóm?

8.   Enski skákmeistarinn Tony heitinn Miles talaði einu sinni um ákveðinn skákmeistara sem „skrímslið með þúsund augun“. Hver var meistari þessi?

9.   Rachel Green hét vinmörg persóna ein. Hver fór með hlutverk hennar?

10.   Við Sinfóníuhljómsveit Íslands eru tveir fiðluleikarar sem kallast „1. konsertmeistari“. Nicola Lolli heitir annar þeirra, en hvað heitir hinn?

Svörin:

1.   Queen.

2.   Hudson.

3.   Þversum og langsum.

4.   Skarðsheiði, hæsti tindurinn er Heiðarhorn sem er 1.054 metrar.

5.   Þrándheimur.

6.   Google. Talan heitir í raun googol.

7.   „Að falla í jörð og verða aldrei blóm.“

8.   Garrí Kasparov.

9.   Jennifer Aniston.

10.   Sigrún Eðvaldsdóttir.

Hér eru svo fyrst spurningarnar frá í gær.

En svörin við aukaspurningunum eru þau að á efri myndinni má sjá Julie Andrews í hlutverki sínu í kvikmyndaútgáfu söngleiksins The Sound of Music (sjá mynd) en á neðri myndinni er einfaldlega um að ræða birki.