Á myndinni hér að ofan má sjá Brynhildi Guðjónsdóttur í hlutverki sínu í sýningu í Borgarleikhúsinu fyrir nokkrum árum. Hvað var hún að leik í svo ótóttlegum búning?

Og síðari aukaspurningin er einfaldlega þessi:

Hver er á myndinni?

En hér eru aðalspurningar:

1.   Í hvaða skáldsögu Halldórs Laxness segir frá bóndanum Steinari undir Steinahlíðum?

2.   Hver leikstýrði kvikmyndinni Nói albínói?

3.   Keyri maður frá Djúpavogi og austur og norður, hver er þá næsti þéttbýlisstaður sem maður kemur að?

4.   Hvað hét fyrri kona Ólafs Ragnars Grímssonar forseta?

5.   Amiina hét hljómsveit ein sem stofnuð var á Íslandi laust fyrir síðustu aldamót og hefur unnið mikið með Sigur Rós. Upphaflega var Amiina alveg ákveðin tegund af hljómsveit, og þess má sjá merki í fullu nafni hljómsveitarinnar upprunalega, en síðan hefur það nú breyst. En hvernig hljómsveit var Amiina í byrjun?

6.   Hver tók við sem forsætisráðherra Íslands eftir að Bjarni Benediktsson fórst í eldsvoða á Þingvöllum 1970?

7.   Hver skrifaði bókina „Ástin ein taugahrúga. Enginn dans við Ufsaklett“?

(Spurningin hér að ofan mun vera þúsundasta spurningin í þessari þrautahrinu, hafi einhver áhuga á því.)

8.   Liv Bergþórsdóttir var lengi forstjóri fjarskiptafyrirtækisins Nova. En hún var líka stjórnarformaður í öðru, ekki síður áberandi fyrirtæki þau sömu ár. Hvaða fyrirtæki var það?

9.   Hvað heitir höfuðborg Norður-Írlands?

10.   Í hvernig litri treyju var Valtýr?

Og þá eru þau hér, svörin:

1.   Paradísarheimt.

2.   Dagur Kári.

3.   Breiðdalsvík.

4.   Guðrún Þorbergsdóttir.

5.   Strengjasveit.

6.   Jóhann Hafstein.

7.   Elísabet Kristín Jökulsdóttir.

8.   WOW.

9.   Belfast.

10.   Grænni. Hér er vísað til þjóðsögu um morðingjann „Valtý á grænni treyju“.

Hér er þrautin frá í gær.

Og svörin við aukaspurningum:

Brynhildur var að leika Njál á Bergþórshvoli.

Neðri myndin sýnir Hildi Guðnadóttur tónskáld, sjá hér: