Enn er komin hér spurningaþraut (sú næsta á undan er hérna), tíu spurningar og svörin eru hér fyrir neðan myndina af apanum.

Aukaspurningar eru svo tvær: Hver er ungi maðurinn hér að ofan og hver er apategundin á neðri myndinni?

1.   „True Detective“ heitir rómuð bandarísk glæpasería í sjónvarpi sem hóf göngu sína 2014. Íslenskur leikari lék í einum þætti fyrstu þáttaraðarinnar, en persóna leikarans varð að vísu heldur skammlíf. Hver var leikarinn?

2.   Í hvaða íþróttagrein keppti Úkraínumaðurinn Sergei Bubka og átti fjölda heimsmeta á sínum tíma?

3.  Blóð-María nefndist ein illræmd drottning úti í heimi fyrr á tíð. Hvað hét systir hennar?

4.   63 þingmenn sitja á Alþingi Íslendinga. Aðeins einn þeirra ber nafn sem byrjar á bókstafnum I. Hver er sá þingmaður?

5.   Tölvuleikjafyrirtækið CCP var stofnað og byggt upp af Íslendingum en fyrir tveim árum keypti suður-kóreskt fyrirtækið það. Hvað heitir langvinsælasti tölvuleikur CCP?

6.   Að fá sér pítu er góð skemmtun. Orðið „píta“ er komið úr grísku. Hvað þýðir það?

7.  Allir vita að Júpíter er stærsta reikistjarnan og að Satúrnus er sú næststærsta. En hver er þriðja í röðinni?

8.   Víkingur Heiðar Ólafsson píanóleikari gaf fyrir skömmu út plötu þar sem hann túlkaði verk eftir tvö frönsk tónskáld. Annað hét Jean-Philippe Rameau, en hvað hét hitt tónskáldið, sem er öllu frægara?

9.   Hvað heitir höfuðborg Finnlands?

10.   „Hungurleikarnir“ eru vinsældar skáldsögur fyrir unga lesendur sem urðu hráefni í enn vinsælli kvikmyndaflokk. Margar persónur koma við sögu, en ung stúlka er þó fremst í flokki og í bíómyndunum var hún leikin af Jennifer Lawrence. En hvað kallast persónan?

Hér eru svörin, langþráð:

1.    Ólafur Darri Ólafsson

2.   Stangarstökki

3.   Elísabet og varð einnig drottning á Englandi, líkt og María

4.   Inga Sæland

5.   Eve Online

6.   Brauð

7.   Neptúnus

8.   Claude Debussy

9.   Helsinki

10.   Katniss Everdeen

Þá er og frá því að greina að ungi maðurinn er vitanlega Winston Churchill á sínum yngri árum en aparnir eru af tegundinni organgútan.

Næsta spurningaþraut er svo hérna.